ہری پور: وزیر اعظم عمران خان نے کہا ہے کہ آنے والی نسلوں کے لیے بہتر پاکستان چھوڑنا چاہتے ہیں۔
وزیر اعظم عمران خان نے ہری پور کے دورے کے موقع پر پودا لگایا اور اپنے خطاب میں کہا کہ ملک میں ٹین بلین ٹری منصوبے کے تحت پہلے ایک ارب پودے لگانے کا ہدف مکمل ہو گیا ہے۔
انہوں نے کہا کہ آنے والی نسلوں کے لیے بہتر پاکستان چھوڑنا چاہتے ہیں۔ اس وقت پاکستان کو موسمیاتی تبدیلیوں کا سامنا ہے لیکن کبھی کسی نے لانگ ٹرم پلاننگ نہیں کی۔
یہ بھی پڑھیں: عمران خان آئندہ نسلوں کیلئے گڑھا کھود رہے ہیں، بلاول بھٹو
وزیر اعظم نے کہا کہ 5 جون کو ماحولیات کا دن منایا جائے گا۔ پاکستان موسمیاتی تبدیلی سے نمٹنے کے لیے اقدامات کر رہا ہے لیکن پاکستان میں جنگلات کی کٹائی ہو رہی ہے جو تشویشناک بات ہے۔
انہوں نے کہا کہ بلین ٹری سونامی منصوبے کا آغاز خیبر پختونخوا سے کیا اور درخت لگانے سے موسمیاتی تبدیلی کے اثرات کم ہوں گے۔
یہ بھی پڑھیں: سندھ حکومت کو جو مدد چاہیے ہم دینے کو تیار ہیں، وزیر داخلہ
تقریب کے دوران وزیراعظم عمران خان کے معاون خصوصی برائے موسمیاتی تبدیلی ملک امین اسلم نے پروگرام کی کامیابیوں پر بریفنگ دی۔
