پاکستان مسلم لیگ(ن) کی ترجمان مریم اورنگزیب حکومت سخت تنقید کا نشانہ بناتے ہوئے الزام لگایا ہے کہ اس کے3 وارداتی اصول ہیں۔
مریم اورنگزیب نے کہا کرپشن، کمیشن اور پروٹیکشن عمران حکومت کے تین وارداتی اصول ہیں۔ پہلے چوری کا حکم پھر سہولت کاری اور انکوائری اور آخر میں چوروں کو این آر او دے دو۔
ن لیگی ترجمان نے الزام لگایا عمران صاحب چوری میں سہولت کاری کرتے ہیں، خود منظوری اور بعد میں انکوائری کراتے ہیں۔
چینی میں 450 ارب کی پہلے چوری پھر عمران صاحب نے انکوائری کرائی اور آخر میں این آر او دے دیا۔ آٹے میں 215 ارب کی پہلے چوری پھر انکوائری کرائی اور عمران صاحب نے آخر میں این آر او دے دیا۔
دوائی میں 500 ارب کا ڈاکہ مارا گیا، عمران صاحب نے وزیر کی پارٹی عہدے پر ترقی کرکے این آر او دے دیا۔ ایل این جی میں 122 ارب کی چوری، پھر انکوائری اور آخر میں عمران صاحب نے چوروں کو این آر او دے دیا۔
بجلی گیس میں ڈاکے سے عوام سے اربوں لوٹ لئے گئے، عمران صاحب نے آنکھیں بند کرکے این آر او دے دیا۔ رنگ روڈ منصوبے کی ری الائنمنٹ کی خود منظوری دے کر چوری کرائی، پھر انکوائری کے بعد این آر او دے دیا۔
