وزیراعظم عمران خان نے کینیڈا میں پاکستانی نژاد خاندان کے جانی نقصان پر افسوس کا اظہار کرتے ہوئے کہا ہے کہ بین الاقوامی برادری کو مل کر اسلاموفوبیا کا مقابلہ کرنا چاہیے۔
انہوں نے کہا کینیڈا میں پاکستانی نژاد فیملی کے قتل کا افسوسناک ہے۔ واقعہ مغربی ممالک میں بڑھتی ہوئی اسلامو فوبیا کی جانب اشارہ کرتا ہے۔ پاکستانی نژاد فیملی کو دہشت گردی کانشانہ بنانے کے واقعے کی مذمت کرتے ہیں۔
Saddened to learn of the killing of a Muslim Pakistani-origin Canadian family in London, Ontario. This condemnable act of terrorism reveals the growing Islamophobia in Western countries. Islamophonia needs to be countered holistically by the international community.
— Imran Khan (@ImranKhanPTI) June 8, 2021
وزیرخارجہ شاہ محمودقریشی نے کہا کہ کینیڈا میں پاکستانی نژاد فیملی کےقتل کاواقعہ افسوسناک ہے۔ پاکستانی نژاد فیملی کو دہشت گردی کانشانہ بنایا گیا۔
یہ بھی پڑھیں: کینیڈا میں مسلمانوں کے خلاف دہشتگردی، 4 افراد جاں بحق
پولیس کی تحقیقات کے مطابق واقعے میں اسلاموفوبیا کا عنصر ہے۔ ہمارے قونصل جنرل ٹورنٹو نےبتایا کہ پولیس کا رویہ اطمینان بخش ہے۔
وزیر خارجہ کا کہنا ہے کہ پاکستانی نژاد فیملی کےتمام افرادکی لاشیں ناقابل شناخت ہیں۔ متاثرہ فیملی کے لواحقین نے وہیں تدفین کرنے سے متعلق آگاہ کیا ہے۔
شاہ محمود نے کہا کہ ابھی تک پوسٹ مارٹم رپورٹ کا انتظار ہے۔ کینیڈین وزیر اعظم سے کہوں گا کہ یہ ان کے معاشرے کا امتحان ہے۔ کینیڈین وزیراعظم مسلمانوں کے اعتماد کو بحال کرنے کیلئے اپنا کردار ادا کریں۔
