بھارت کے معروف یوٹیوبر بھومن بام کے والدین عالمی وبا کورونا وائرس کے باعث ہلاک ہو گئے۔
غیر ملکی خبر رساں ادارے کی رپورٹ کے مطابق بھومن بام نے ویڈیو اینڈ فوٹو شیئرنگ ایپ انسٹاگرام پر اپنے والدین کی تصویر شیئر کی۔
تصویر کے کیپشن میں انہوں نے لکھا کہ کورونا کی وجہ سے میں نے اپنے والدین کھو دیے ہیں۔
View this post on Instagram
ان کا کہنا تھا کہ آئی اور بابا کے بنا کچھ بھی پہلے جیسے نہیں رہے گا، ایک ماہ میں سب کچھ بکھر چکا ہے۔
بھومن نے لکھا کہ میرا من نہیں کر رہا مگر اب شروع سے جینا سیکھنا ہو گا۔
انہوں نے لکھا کہ کیا میں اپنے والدین کا اچھا بیٹا تھا؟ کیا میں نے انہیں بچانے کے لیے سب کچھ کیا؟ مجھے اب ان سوالوں کے ساتھ جینا ہو گا۔
تصویر کے کیپشن میں انہوں نے لکھا کہ مجھے اس دن کا انتظار رہے گا جب میں اپنے والدین سے دوبارہ ملوں گا۔