پاکستانی ڈرامہ انڈسٹری کی معروف جوڑی احد رضا اور سجل علی کی نئی ویب سیریز ’دھوپ کی دیوار‘ کا ٹریلر جاری کر دیا گیا ہے۔
ویڈیو اینڈ فوٹو شیئرنگ ایپ انسٹاگرام پر احد رضا میر اور ان کی اہلیہ سجل علی نے اپنے اکاونٹس سے دھوپ کی دیوار کا دو منٹ اور 45 سیکنڈز پر مشتمل ٹریلر جاری کیا ہے۔
پاکستان اور بھارت دونوں ممالک میں لوگوں نے اس نئی ویب سیریز کے ٹریلر کو بہت پسند کیا ہے۔
View this post on Instagram
ویڈیو کیپشن میں سجل علی نے لکھا ہے کہ کون جنگ جیتا ہے اس سے کوئی فرق نہیں پڑتا، حقیقت یہ ہے کہ دونوں ممالک کو نقصان کا سامنا کرنا پڑتا ہے۔
انہوں نے لکھا کہ جب سب کچھ ہی بکھر جائے تو انسان کو کس کا انتخاب کرنا چاہئے؟ نفرت یا دل
کشمیر ہم سوشل میڈیا ایوارڈز: مقبول ترین جوڑی کا ایوارڈ احد رضا میر اور سجل علی کے نام
واضح رہے کہ اس ویب سریز کی کہانی معروف ڈرامہ اور ناول عمیرہ احمد نے تحریر کی ہے جبکہ اس کی ہدایات حسیب حسن دے رہے ہیں۔
دھوپ کی دیوار میں سامیہ ممتاز، علی خان، عدنان جعفر، ثمینہ احمد اور زیب رحمٰن بھی دکھائی دیں گے۔
