سان فرانسسکو: فیس بک نے غیر ضروری تبصروں کی روک تھام کے لیے گروپ اور پیج ایڈمنز کو اضافی اختیارات دے دیے ہیں۔
فیس بک، ٹوئٹر اور یوٹیوب استعمال کرنے والوں کیلئے بری خبر
ہم نیوز کے مطابق ٹیکنالوجی پر نظر رکھنے والی ویب سائٹ کی رپورٹ کے مطابق فیس بک نے آن لائن کمیونٹیز کو کنٹرول کرنے کے لیے نیا ایڈمن ٹول متعارف کرا دیا ہے جس کے بعد پیج یا گروپ کے ایڈمنز پہلے سے زیادہ خود مختار ہوجائیں گے۔
ویب سائٹ کے مطابق فیس بک گروپ یا پیج کے ایڈمن کو اختیار مل گیا ہے کہ وہ قواعد و ضوابط کی خلاف ورزی کرنے والے ممبر پر پابندی عائد کرسکے گا۔ ایڈمن کو یہ اختیار بھی مل گیا ہے کہ وہ صارفین کے تبصروں و پوسٹوں پر پابندی لگا سکے گا۔
گروپ ایڈمن ایسے تبصروں اور پوسٹ پر بھی پابندی عائد کر سکے گا جنہیں وہ اپنے گروپ میں ظاہر نہیں ہونے دینا چاہتا جب کہ اس ٹول کے بعد ایڈمن کو اختیار ہوگا کہ وہ کسی بھی پوسٹ میں ترمیم کر کے اسے دوبارہ شیئر کرے۔
جھوٹ بولنے پر فیس بک کا ’آن لائن سزا‘دینے کا فیصلہ
ویب سائٹ کے مطابق اس ضمن میں گروپ ایڈمن کو قواعد و ضوابط تشکیل دینا ہوں گے۔ ایڈمن کو یہ بھی اختیار ہوگا کہ وہ گروپ میں کمنٹس یا بات چیت کرنے والے صارفین کی تعداد مقرر کردے اور کسی بھی پوسٹ پر صارف کے تبصرے کی تعداد کو بھی مقرر کر سکے گا۔
