برطانیہ کے شہزادہ چارلس نے مبینہ طور پر اعلان کیا ہے کہ وہ اپنے پوتے آرچی کو کبھی شہزادہ نہیں بننے دیں گے۔
غیر ملکی خبر رساں ادارے ڈیلی میل میں شائع ہونے والی ایک خبر کے مطابق شاہی تخت کے اگلے وارث کا کہنا تھا کہ ان کے بادشاہ بننے کے بعد میگن مارکل، شہزادہ ہیری اور ان کے دو سالہ بیٹے کو شاہی خاندان کے کلیدی افراد میں شامل نہیں کیا جائے گا۔
اپنے فیصلے کی وجہ بتاتے ہوئے انہوں نے کہا کہ وہ شاہی خاندان کی تعداد کم کرنے کا منصوبہ رکھتے ہیں۔
شہزادہ چارلس کی اہلیہ کا اسکارف اوڑھ کر مسجد کا دورہ
ڈیوک اور ڈچز آف سسیکس کے قریبی ذرائع سے منسوب خبر میں ڈیلی میل کا کہنا تھا کہ شہزادے چارلس نے جوڑے کو بتا دیا ہے کہ وہ بادشاہ بننے کے بعد اہم قانونی دستاویزات میں ترمیم کریں گے۔
ان کا کہنا تھا کہ اس بات کو یقینی بنایا جائے گا کہ آرچی کبھی شہزادے کا لقب نہ حاصل کر سکیں۔
