برطانوی وزیر صحت 2 خوراکیں لگوانے کے باوجود کورونا میں مبتلا

برطانوی وزیر صحت 2 خوراکیں لگوانے کے باوجود کورونا میں مبتلا

لندن: برطانوی وزیر صحت ساجد جاوید ویکسین کی دو خوراکیں لگوانے کے باوجود کورونا میں مبتلا ہو گئے۔

غیر ملکی خبر رساں ایجنسی کے مطابق برطانوی وزیر صحت ساجد جاوید نے گزشتہ روز اپنا کورونا ٹیسٹ کروایا تھا جو مثبت آ گیا۔

ساجد جاوید کا کہنا ہے کہ بیماری کی علامات ظاہر ہوئی تھیں جس کے بعد کورونا ٹیسٹ کروایا۔ رپورٹ مثبت آنے کے بعد خود کو قرنطینہ کر لیا ہے اور گھر سے ہی اپنی خدمات سرانجام دوں گا۔

ان کا کہنا تھا کہ کورونا ویکسین لگوانے کے باعث ان میں کورونا کی انتہائی معمولی علامات ہیں تاہم امید ہے وہ جلد ٹھیک ہو جائیں گے۔

یہ بھی پڑھیں: متحدہ عرب امارات: ابوظہبی میں لاک ڈاؤن کے نفاذ کا اعلان

برطانوی وزیر نے سماجی رابطے کی ویب سائٹ ٹوئٹر پر اپنے کورونا نتائج مثبت آنے کی اطلاع دی اور لوگوں سے اپیل کی کہ وہ کورونا کی ویکسین لازمی لگوائی تاکہ اس بیماری سے بچا جا سکے۔

انہوں نے کہا کہ کورونا ویکسین لگوانے کے باعث ان میں کورونا کی علامات انتہائی کم ہیں۔

برطانوی وزیر صحت ساجد جاوید جمعہ کو برطانوی وزیر اعظم بورس جانسن سے ملے تھے۔

ساجد جاوید نے کورونا کی پہلی ویکسین 17 مارچ اور دوسری ویکسین 16 مئی کو لگوائی تھی۔


متعلقہ خبریں