ڈی جی خان: ڈیرہ غازی خان (ڈی جی خان) میں ہولناک ٹریفک حادثے میں 33 افراد جاں بحق اور 50 سے زائد زخمی ہو گئے۔
ریسکیو ذرائع کے مطابق ٹریفک حادثہ تونسہ روڈ پر بس اور ٹریلر میں تصادم سے پیش آیا۔ بس سیالکوٹ سے راجن پور جا رہی تھی۔ زخمیوں کو فوری طور پر قریبی اسپتالوں میں منتقل کر دیا گیا۔
اسپتال ذرائع کے مطابق زخمیوں میں بیشتر کی حالت نازک ہے جس کی وجہ سے اموات بڑھنے کا خدشہ ہے۔
یہ بھی پڑھیں: کورونا:پاکستان میں مثبت کیسز کی شرح4.95 فیصد ہوگئی
حادثے کا شکار ہونے والے بیشتر مسافر عید کی چھٹیوں پر اپنے آبائی گھر جا رہے تھے۔
کمشنرڈی جی خان ارشاد احمد نے کہا کہ لاشوں کو شناخت کے بعد لواحقین کے حوالے کر دیا جائے گا۔
وزیر اعلیٰ پنجاب عثمان بزدار نے حادثے میں انسانی جانوں کے ضیاع پر افسوس کا اظہار کیا اور زخمیوں کو علاج معالجے کی بہترین سہولیات فراہم کرنے کے احکامات جاری کیے۔
