اسلام آباد: آزاد کشمیر میں ہونے والے انتخابات میں پاکستان مسلم لیگ (ن) اور پاکستان پیپلزپارٹی نے مختلف نوعیت کے الزامات عائد کیے ہیں۔
آزاد کشمیرمیں پولنگ مجموعی طور پر پرامن رہی ہے، چیف الیکشن کمشنر
پاکستان مسلم لیگ ن کی ترجمان مریم اورنگزیب نے کہا ہے کہ پاکستان کے زیر انتظام کشمیر کے دو حلقوں میں پی ٹی آئی کے امیدوار نے دیگر سیاسی جماعتوں کے پولنگ ایجنٹس کو پولنگ سٹیشن داخل ہونے سے روکا۔
پی ٹی آئی کے غنڈوں نے گورنمنٹ بوائز ہائی سکول علی پور چٹھہ پولنگ سٹیشن پر انتخابی دھاندلی کے لئے حملہ کیا تھا
پی ٹی آئی کے غنڈوں کو غنڈہ گردی کرنے کی پوری آزادی دی جا رہی ہے
الیکشن کمیشن کے عملے نے مسلم لیگ (ن) کی درخواستیں وصول کرنے سے انکار کر دیا
— Marriyum Aurangzeb (@Marriyum_A) July 25, 2021
انہوں نے یہ الزام بھی عائد کیا ہے کہ خود مہریں لگائی گئیں جس کے خلاف الیکشن کمیشن اور آر او کو درخواست دے دی گئی ہے۔
سابق وفاقی وزیر مملکت برائے اطلاعات و نشریات مریم اورنگزیب کے مطابق اسی طرح جب پی ٹی آئی کی جانب سے غنڈہ گردی کی گئی تو الیکشن کمیشن کے عملے نے ن لیگ کی جانب سے دی جانے والی درخواستیں بھی وصول کرنے سے انکار کردیا۔
پاکستان پیپلز پارٹی کی مرکزی رہنما سینیٹر شیری رحمان نے الزام عائد کیا ہے کہ پیپلزپارٹی کے امیدوار ہر حلقے سے جیت رہے ہیں لیکن پی ٹی آئی نتائج روکنے کی کوشش میں مصروف ہے۔
پی ٹی آئی وزراء دھاندلی کے تمام ریکارڈ توڑ کر پولنگ اسٹیشنوں میں داخل ہوگئے ہیں۔ پیپلز پارٹی نے اب تک الیکشن کمیشن میں دھاندلی کی21 شکایات درج کی ہیں۔ کچھ پولنگ اسٹیشنوں میں فائرنگ اور تشدد کے واقعات ہوئے ہیں ۔ 2 اموات ہو چکی ہیں، حکومتی مشینری کی اس کھلی نمائش پر حیرت زدہ ہیں۔ pic.twitter.com/pw9xtj6M69
— SenatorSherryRehman (@sherryrehman) July 25, 2021
سابق وفاقی وزیر اطلاعات و نشریات سینیٹر شیری رحمان نے کہا ہے کہ پی ٹی آئی نتائج روک کر تکنیکی دھاندلی کی کوشش کررہی ہے۔ ان کا کہنا ہے کہ دھاندلی پی ٹی آئی کا مشن ہے۔
علی امین گنڈا پور کیخلاف کارروائی ہو رہی ہے، چیف الیکشن کمشنر
سینیٹر شیری رحمان کے مطابق عمران خان ہر انتخابات کو چوری کرکے عوام کے مینڈیٹ پر ڈاکہ ڈالنا چاہتے ہیں۔
پی پی کی رکن قومی اسمبلی نفیسہ شاہ نے مؤقف اپنایا ہے کہ تحریک انصاف نے ریاستی مشینری کے استعمال کے ذریعے آزاد کشمیر انتخابات کو متنازع بنا دیا ہے۔
انہوں ںے کہا کہ انتخابات کے دوران فائرنگ اور پولنگ کیمپوں کو اکھاڑ کر تحریک انصاف نے خونی دھاندلی کرنے کی کوشش کی۔
آزاد جموں وکشمیرالیکشن میں بد نظمی اور تصادم،2افرادجاں بحق
پاکستان پیپلزپارٹی کے مرکزی الیکشن سیل کے سربراہ سینیٹر تاج حیدر نے بھی آزاد جموں و کشمیر کے سیکریٹری الیکشن کمیشن کو اپنی شکایت سے تحریری طور پر آگاہ کر دیا ہے۔