ہر پاکستانی پودا لگائے تو بہت بڑا انقلاب ہو گا، وزیر اعظم


اسلام آباد: وزیر اعظم عمران خان نے کہا ہے کہ ہر پاکستانی بھی ایک ایک درخت لگائے تو بہت بڑا انقلاب ہو گا۔

وزیر اعظم عمران خان نے 10 ملین شجرکاری مہم کی تقریب سے خطاب کرتے ہوئے کہا کہ آلودگی میں کمی کے لیے شجرکاری بہت ضروری ہے اور میں چاہتا ہوں کہ شجرکاری مہم میں تمام پاکستانی حصہ لیں اور اگر ایک ایک پاکستانی بھی ایک درخت لگا دے تو بہت بڑا انقلاب آ جائے گا۔

انہوں نے کہا کہ آنے والی نسلوں کے لیے ہمیں ایک بہتر پاکستان چھوڑ کر جانا ہے۔ ہمارے 10 ارب درختوں کے ٹارگٹ کو دنیا نے سراہا ہے۔ گلوبل وارمنگ سے بچنے کے لیے پاکستان میں زیادہ سے زیادہ درخت لگانے ہوں گے۔

وزیر اعظم عمران خان نے کہا کہ ماضی میں کسی نے درخت لگانے پر توجہ نہیں دی۔ ہمارے شہروں میں کوئی جگہ خالی نہ ہو ہر خالی جگہ پودے لگا دیے جائیں۔ انگریزوں نے بھی یہاں جنگل بنائے تھے حالانکہ وہ باہر سے آئے ہوئے تھے۔

یہ بھی پڑھیں: کوئٹہ میں دھماکہ، 2 افراد زخمی

انہوں نے کہا کہ برسات کی پلانٹیشن مہم لانچ کر رہے ہیں اور خیبر پختونخوا کی طرح اب پورے پاکستان میں 10 ارب درخت لگائیں گے۔


متعلقہ خبریں