سماجی رابطے کی ویب سائٹ انسٹا گرام کا شمار سوشل میڈیا کی چند اہم ایپلیکیشنز میں ہوتا ہے جو فیس بک کی ملکیت ہے جسے استعمال کرنا انتہائی آسان ہے۔ جس کی کئی خصوصیات سے لوگ ناواقف ہیں۔
انسٹا گرام استعمال کرنے کے لیے سب سے بنیادی چیز یہ ہے کہ انسٹا گرام پر اعلیٰ کوالٹی کا مواد پیش کیا جائے جو دیکھنے والے کا دل موہ لے تاہم اس سے قبل آپ کو یہ معلوم ہو کہ آپ کا ہدف کون سا طبقہ ہے اور وہ کس قسم کے مواد میں دلچسپی رکھتا ہے۔
انسٹا گرام پر اپنے مواد کا تعارف آسان اور واضح انداز میں لکھیں تو آپ کے فالوورز کو فوری سمجھ آ جائے۔ آنے والے کمنٹس اور انباکس کے میسجز کا جواب ضرور دیں۔
اس کے لیے ضروری ہے کہ آپ زیادہ سے زیادہ تصاویر اور ویڈیوز شیئر کریں اور اپنی وال پر روزانہ کی بنیاد پر اسٹوریز لگائیں۔ کوشش کریں کہ لائیو کا آپشن بھی ضرور استعمال کریں جبکہ دیگر آپشنز کو بھی استعمال کرتے رہیں۔
یہ بھی پڑھیں: واٹس ایپ میں سے آرکائیو کا آپشن ہٹانے کا طریقہ
انسٹا گرام سے متعلق نشر ہونے والے اعدادوشمار کو بھی پڑھتے رہیں تاکہ آپ کی کارکردگی بہتر ہو۔ انسٹا گرام پر اچھے اور متحرک اکاؤنٹس کو فالو کریں اور ان پر شیئر ہونے والے مواد سے سیکھنے کی کوشش کریں۔
ہمیشہ اپنی شیئر کردہ اسٹوریز پر ایسے ہیش ٹیگز کا استعمال کریں جو آپ کے مواد سے مطابقت رکھتے ہوں۔ انسٹا گرام کی ہونے والی اپڈیٹس پر ہمیشہ نظر رکھیں تاکہ آپ اس کے مطابق آگے بڑھ سکیں اور اپنے صارف کو زیادہ سے زیادہ معلومات فراہم کر سکیں۔
