دنیا کے گرد گھومنے والا بین الاقوامی خلائی اسٹیشن روسی خلائی جہاز کے راکٹ چلنے سے لڑکھڑا گیا.
ناسا کے مطابق روسی خلائی جہاز کے راکٹ حادثاتی طور پر چل پڑے جس کی وجہ سے اسٹیشن اپنی بلندی سے 45 ڈگری گر گیا۔
واقعہ روس کے ’نوکا‘ نامی خلائی جہاز کی انٹرنیشنل اسپیس اسٹیشن پہنچنے کے کچھ گھنٹوں بعد پیش آیا، جوآٹھ دن کی پرواز کے بعد آئی ایس ایس تک پہنچا تھا۔
مشن کنٹرول میں موجود اہلکاروں نے خلائی اسٹیشن کے ایک اور حصے پر نصب راکٹ چلا کر انٹرنیشنل اسپیس اسٹیشن کی حرکت پر قابو پا لیا.
.@Space_Station crew members are safe and will scrub their schedules for today in order to focus on recovery efforts following the unexpected loss of attitude caused by the Russian Nauka module’s thrusters firing. The station is back in attitude control and is in good shape. pic.twitter.com/38qBmEBjbU
— NASA (@NASA) July 29, 2021
تاہم حادثے کے وقت خلائی اسٹیشن کے عملے سے مشن کنٹرول کا رابطہ کئی منٹوں کے لیے منتقع ہو گیا تھا لیکن خلائی اسٹیشن میں موجود خلا بازوں کے مطابق انھیں کوئی بڑا جھٹکا محسوس نہیں ہوا، اور وہاں موجود ساتوں خلاباز محفوظ رہے۔
ناسا کا بھی کہنا ہے کہ چھوٹی سی غلطی سے کوئی بڑا حادثہ بھی پیش آسکتا تھا۔ اس لیے واقعے کی مکمل تحقیقات جاری ہیں۔
حادثے کی وجہ سے ناسا اور ہوابازی کی کمپنی بوئنگ کو اپنے خودکار خلائی جہاز ’اسٹارلائنر‘ کی آزمائشی پرواز بھی 3 اگست تک ملتوی کرنی پڑی ہے۔
