لاہور: پنجاب میں دو اگست 2021 سے کھلنے والے تمام سرکاری و نجی اسکولوں اور دینی مدارس میں یکساں نصاب تعلیم نافذ ہو گا۔ اس بات کا اعلان صوبائی وزیر تعلیم پنجاب مراد راس نے سماجی رابطے کی ویب سائٹ ’ٹوئٹر‘ پر جاری کردہ اپنے ایک بیان میں کیا ہے۔
پنجاب میں یکساں نصاب تعلیم کےنفاذکی منظوری
NOTIFICATION:
Single National Curriculum to be implemented in all Public, Private Schools and Deeni Madaris of Punjab starting August 2nd, 2021. pic.twitter.com/vqH1lat46X— Murad Raas (@DrMuradPTI) July 30, 2021
پنجاب کے وزیر تعلیم مراد راس نے اس ضمن میں محکمہ تعلیم کے جاری کردہ نوٹی فکیشن کو بھی شیئر کیا ہے۔
ملک بھر میں یکساں نصاب تعلیم کی منظوری
جاری کردہ نوٹی فیکیشن میں لکھا گیا ہے کہ سال 2021-2022 اور اس سے آگے بھی پہلی سے پانچویں جماعت تک پنجاب کے تمام سرکاری و نجی اسکولوں اور دینی مدارس میں یکساں تعلیمی نصاب لاگو کیا جائے گا۔
پاکستان تحریک انصاف سے تعلق رکھنے والے وفاقی وزیر تعلیم شفقت محمود نے بھی رواں سال کہا تھا کہ حکومت یکساں نظام تعلیم کا وعدہ پورا کرنے جا رہی ہے۔
انہوں ںے کہا تھا کہ حکومت نے یکساں نصاب تعلیم کا پہلا مرحلہ مکمل کر لیا ہے جس میں پہلی سے پانچویں جماعت تک کا نصاب یکساں بنا دیا گیا ہے۔
وفاقی وزیر تعلیم کا کہنا تھا کہ چھٹی سے دسویں تک کا یکساں نصاب اپنے تکمیل کے مراحل میں ہے اور اس کو بھی سال 2022 میں لاگو کر دیا جائے گا۔
یکساں نصاب تعلیم کا نفاذ کسی انقلاب سے کم نہیں، وزیراعظم
شفقت محمود کا کہنا تھا کہ 2023 تک ہماری حکومت اپنا تیسرا اور آخری مرحلہ بھی مکمل کر لے گی۔
