اسلام آباد: کشمیر پریمیئر لیگ کے خلاف بھارتی سازشیں بے نقاب ہو گئیں۔
کھیلوں میں بھی سیاست کی بھارتی روایت برقرار ہے اور بھارت کھیل میں بھی پاکستان کی مخالفت سے باز نہ آیا۔ بھارت کشمیر پریمیئر لیگ کو ناکام بنانے کے اوچھے ہتھکنڈے پر اتر آیا۔
ساؤتھ افریقہ کے گبز، سری لنکا کے دلشان اور انگلینڈ کے مونٹی پنیسار سمیت مختلف بین الاقوامی کھلاڑی KPL کے لیے منتخب کیے گئے لیکن بھارتی کرکٹ بورڈ ان کھلاڑیوں کو دھمکی دے رہا ہے کہ اگر انھوں نے KPL میں شرکت کی تو پھر مستقبل میں بھارت میں ان کا داخلہ بند کر دیا جائے گا۔
انڈین کرکٹ بورڈ کے CEO نے انگلینڈ کرکٹ بورڈ کو بھی اپنے کھلاڑیوں کو KPL سے باز رکھنے کا کہا ہے۔
6 سے16 اگست تک ہونے والی KPL میں بین الاقوامی کھلاڑیوں کی شرکت کے راستے میں بھارتی بورڈ روڑے اٹکا رہا ہے۔ بین الاقوامی شہرت یافتہ کھلاڑی ہرشل گبز بھارتی بورڈ کی سیاسی چالوں پر برس پڑے۔
ساوتھ افریقین کرکٹر ہرشل گبز نے بھارتی سازشوں کو مضحکہ خیز قرار دے دیا۔ سماجی رابطے کی ویب سائٹ ٹوئٹر پر لکھا کہ بھارتی کرکٹ بورڈ کا کھیل میں سیاسی ایجنڈا لانا غیر ضروری ہے۔ بھارتی بورڈ نے مجھے کشمیر پریمیر لیگ میں شرکت سے روکنے کی کوشش کی۔
انہوں نے کہا کہ مجھے دھمکی دی گئی کہ آئندہ بھارت میں داخل نہیں ہونے دیا جائے گا۔
Completely unnecessary of the @BCCI to bring their political agenda with Pakistan into the equation and trying to prevent me playing in the @kpl_20 . Also threatening me saying they won’t allow me entry into India for any cricket related work. Ludicrous ?
— Herschelle Gibbs (@hershybru) July 31, 2021
وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر لکھا کہ یہ پہلا موقع نہیں کہ بھارت نے کرکٹ کو اپنی مذموم سیاست کے بھینٹ چڑھایا ہو۔ ہرشل گبز پر کشمیر لیگ میں حصہ نہ لینے کا دباؤ پرانی روش کا تسلسل ہے۔
انہوں نے کہا کہ ہم مودی سرکار کے اقدامات کی شدید مذمت کرتے ہیں جبکہ کشمیر کی جدوجہد کو ایسے اقدامات سے نقصان نہیں فائدہ ہی ہو گا۔
پہلا موقع نہیں کہ موڈی کی حکومت نے کرکٹ کو اپنی مذموم سیاست کے بھینٹ چڑھایا ہو، ھرشل گبز پر کشمیر لیگ میں حصہ نہ لینے کا دباؤ اس پرانی روش کا تسلسل ہے ہم ان اقدامات کی شدید مذمت کرتے ہیں کشمیر کی جدوجہد کو ایسے اقدامات سے نقصان نہیں فائدہ ہی ہو گا۔ https://t.co/IhI9OLe6u1
— Ch Fawad Hussain (@fawadchaudhry) July 31, 2021
مقبوضہ کشمیر میں انسانوں کی زندگیاں عذاب بنانے والے بھارت کو آزاد کشمیر میں کشمیریوں کی رونقیں کانٹے کی طرح چب رہی ہیں۔
