امریکہ میں موجود فلیٹ میری ملکیت نہیں، نیب صرف انتقام کا نشانہ بنا رہا، آصف زرداری


سابق صدر و شریک چیئرمین پیپلز پارٹی آصف زرداری نے اپارٹمنٹ انکوائری کیس میں قومی احتساب بیورو ( نیب) کو جواب جمع کرا دیا۔

ذرائع کے مطابق آصف زرداری نے  اپنے وکلا کے زریعے نیب کو بتایا کہ امریکہ میں موجود فلیٹ میری ملکیت نہیں، جس سال اپارٹمنٹ خریدا اسی سال ہی فروخت کر دیا گیا۔ نیب صرف انتقامی نشانہ بنا رہا ہے۔

انہوں نے بتایا کہ جب فلیٹ خریدا اس وقت کسی عوامی عہدے پر فائز نہیں تھا، امریکہ اپنے علاج کے لیے گیا تھا۔

آصف زرداری کے جعلی اکاؤنٹس کیس میں نیب 33 ارب روپے وصول کر چکی ہے، فواد چوہدری

خیال رہے کہ سابق صدر نے نیویارک فلیٹ کیس میں جواب جمع کرانے کیلئے نیب سے مہلت مانگ رکھی تھی۔

واضح رہے کہ نیب نے سابق صدر پر 5 لاکھ 30 ہزار ڈالرز میں امریکہ میں اپارٹمنٹ خریدنے کا الزام عائد کر رکھا ہے۔

یاد رہےکہ 20 جولائی کو نیب نے نیویارک فلیٹ سے متعلق آصف زرداری کو سوالنامہ اور معلومات کے حصول کیلئے نوٹس بھجوایا تھا۔ درخواست میں چیئرمین نیب اور ڈی جی نیب کو فریق بنایا گیا تھا۔


متعلقہ خبریں