کراچی: سندھ اسمبلی میں اپوزیشن لیڈر حلیم عادل شیخ کی گاڑی پر پتھراؤ کیا گیا ہے۔
حلیم عادل شیخ نے اپنی ٹویٹ میں بتایا کہ ان پر نوابشاہ میں پتھراؤ کیا گیا۔ انہوں نے الزام لگایا کہ آصف زرداری اور بلاول زرداری نے اپنے غنڈوں سے ان پر حملہ کرایا، فائرنگ اور پتھراؤ کیا گیا۔
اپوزیشن لیڈر نے کہا فرزند زرداری یاد رکھیں ہر فورم پر انہیں بے نقاب کروں گا۔
آصف زرداری اور بلاول زرداری کے لیے شرم کا مقام ہے آج مجھ پر نوابشاہ میں اپنے غنڈے سے حملہ کروایا فائرنگ، پتھراؤ کیا گیا.
فرزند زرداری یاد رکھیں ہر فورم پر انہیں بے نقاب کروں گا— Haleem Adil Sheikh (@HaleemAdil) August 1, 2021
حلیم عادل شیخ نے ٹویٹ میں لکھا کہ گزشتہ روز آئی جی سندھ کو سیکیورٹی کے لیے خط بھی لکھا تھا لیکن سیکیورٹی فراہم نہیں کی گئی۔
گزشتہ روز آء جی سندھ کو سیکیورٹی کے لیے خط بھی لکھا گیا تھا مگر پی پی آء جی کی جانب سے سیکیورٹی فراہم نہیں کی گئی pic.twitter.com/kuUwjPj6rk
— Haleem Adil Sheikh (@HaleemAdil) August 1, 2021
پاکستان تحریک انصاف کے رہنما اسد عمر، مراد سعید اور شہباز گل نے حلیم عادل شیخ کی گاڑی پر پتھراؤ کی مذمت کی ہے۔
اسدعمر نے مطالبہ کیا ہے گاڑی پر پتھراؤ کا نوٹس لینا چاہئے اور فوری طور پر حملہ کرنے والے لوگوں کو گرفتار کرنا چاہیے۔
مراد سعید نے ٹویٹ کیا کہ اس قسم کے اوچھے ہتکھنڈوں سے نا اہلی نہیں چھپ سکتی اور نہ ہمارے کارکنوں کے حوصلے پست ہوں گے۔ خوف بتا رہا ہے کہ تبدیلی کی ہوا چل پڑی ہے۔
شہبازگل نے الزام لگایا کہ پیپلزپارٹی سندھ میں بوکھلاہٹ کا شکار ہوکر پی ٹی آئی رہنماؤں پر حملے کروا رہی ہے۔ مسلسل شکست کے بعد بلاول زرداری کو سندھ میں بھی شکست دکھائی دے رہی ہے۔
