اسلام آباد: وزیر اعظم عمران خان کے معاون خصوصی شہباز گل نے کہا ہے کہ قومی احتساب بیورو (نیب) نے 3 سال میں بڑی مچھلیوں سے 502 ارب روپے وصول کیے۔
وزیر اعظم کے معاون خصوصی شہباز گل نے سماجی رابطے کی ویب سائٹ ٹوئٹر پر لکھا کہ پاکستان تحریک انصاف (پی ٹی آئی) کے دور میں نیب نے اشرافیہ اور بڑی مچھلیوں کو پہلی بار گرفتار کیا جبکہ پی ٹی آئی دور میں 3 سال میں 470 کرپشن ریفرنس دائر کیے گئے۔
انہوں نے کہا کہ ابھی بھی ان میں سے بہت سے ضمانتوں کے پیچھے چھپے ہوئے ہیں۔
پی ٹی آئی دور میں آپکی متحرک اوربہادرقیادت کے دوران ریاستی اداروں کو واضح اورمضبوط حمایت،حوصلہ افزائی کی بدولت
نیب نے نہ صرف اشرافیہ،بڑی مچھلیوں کو پہلی بار گرفتار کیا بلکہ3سال میں470کرپشن ریفرنس دائر کیے
ابھی بھی ان میں سے بہت سے ضمانتوں کے پیچھے چھپے ہوئے ہیں اسکے باوجود— Dr. Shahbaz GiLL (@SHABAZGIL) August 2, 2021
شہباز گل نے کہا کہ 3 سال میں بڑی مچھلیوں سے 502 ارب روپے وصول کیے گئے جبکہ سال 2000 سے 2016 تک یعنی 16 سال میں نیب نے 266 ارب روپے وصول کیے تھے۔
یہ بھی پڑھیں: شہباز شریف نے پارٹی صدارت سے استعفیٰ دینے کی تردید کر دی
انہوں نے کہا کہ نیب نے پی ٹی آئی حکومت کے دور میں متحرک، دیانت دار، صاف ستھری، قابل اور بہادر قیادت میں زبردست کام کیا اور نتیجہ قوم کے سامنے ہے۔
3سالوں میں بڑی مچھلیوں سے 502 ارب روپے وصول کئےجبکہ 2000 سے 2016 تک 16سالوں میں نیب نے ٹوٹل266ارب روپے وصول کئے تھے
نیب نے PTIحکومت کے دور میں آپکی متحرک, دیانت دار,صاف ستھری ,قابل اور بہادر قیادت میں زبردست کام کیا اور نتیجہ قوم کے سامنے ہے۔ ہم آپکی اچھی حوصلہ افزائی ،سپورٹ
2— Dr. Shahbaz GiLL (@SHABAZGIL) August 2, 2021
معاون خصوصی نے کہا کہ بلاشبہ نیب کو آزادی سے کام کرنے دینے پر کارکردگی سب کے سامنے ہے۔
