مظفر آباد: قومی کرکٹ ٹیم کے سابق کپتان وسیم اکرم نے کراچی والوں سے معذرت کر لی۔
قومی کرکٹ ٹیم کے سابق کپتان وسیم اکرم نے سماجی رابطے کی ویب سائٹ ٹوئٹر پر مظفر آباد کی گندگی شیئر کرتے ہوئے کراچی والوں سے معذرت کر لی۔
وسیم اکرم کشمیر پریمیئر لیگ (کے پی ایل) کے سلسلے میں مظفر آباد میں موجود ہیں جہاں انہوں نے دریائے نیلم پر اپنی ویڈیو بنائی جس میں انہوں نے دریائے نیلم پر موجود گندگی کے ڈھیر دکھائے۔
وسیم اکرم نے سوشل میڈیا پر شیئر کردہ ویڈیو میں کہا کہ ان کے عقب میں دریائے نیلم بہہ رہا ہے۔ میں یورپ یا سوئزرلینڈ میں نہیں ہوں بلکہ میں خوبصورت پاکستان میں موجود ہوں۔
Apologies to people of karachi . It appears we as a nation need to work collectively to make our country clean ,it’s our and only ours responsibility and duty so let’s give it a go . No more excuses. #cleanpakistan pic.twitter.com/Z2BMeKXUcE
— Wasim Akram (@wasimakramlive) August 7, 2021
انہوں نے کہا کہ اب میری کراچی والوں سے ایک معذرت بنتی ہے کیونکہ میں انہیں ہی گندا کہتا آیا ہوں اور میں سمجھتا تھا کہ ہم کراچی والے ہی زیادہ صفائی کا خیال نہیں رکھتے۔
وسیم اکرم نے کہا کہ اگر آپ میرے پیچھے دیکھیں تو خوبصورت دریا ہے لیکن ساتھ ہی گندگی کے ڈھیر بھی دیکھیں۔ صرف کراچی والے ہی نہیں بلکہ ہم سارے ہی بڑے گندے ہیں۔
