بالی ووڈ کے نواب سیف علی خان اور کرینہ کپور نے طویل انتظار کے بعد مداحوں کو اپنے دوسرے بیٹے کا اصل نام بتا دیا۔
سیف علی خان اور کرینہ کپور کے دوسرے بیٹے کا نام ’ جہہ‘ نہیں بلکہ ’جہانگیر علی خان ‘ہے جبکہ ’ جہہ‘ ان کے ننھے بیٹے کو گھر میں پیار سے کہا جاتا ہے۔
گزشتہ روز اداکارہ کرینہ کپورنے اپنی کتاب ’پریگنینسی بائبل‘ کی آن لائن لانچنگ کی، جسے بالی ووڈ کے مشہور پروڈیوسر کرن جوہر نے ہوسٹ کیا۔
یہ بھی پڑھیں:کرینہ اور سیف کے بیٹے کے نام پر بھارتی سوشل میڈیا پر گرما گرم بحث
بھارتی میڈیا کے مطابق کتاب میں کرینہ نے اپنے دوسرے بیٹے کے اصلی نام سے مداحوں کو آگاہ کیا ہے جو جہہ نہیں جہانگیر ہے، اس کتاب میں کرینہ کی اپنے بیٹے کو گود میں اٹھائے تصاویر بھی شامل ہیں۔
View this post on Instagram
کرینہ کپور کے دوسرے بیٹے کی پیدائش رواں سال 21 فرور ی میں ہوئی تھی اور تب سے اب تک ان کی کوئی واضح تصویر شیئر نہیں کی گئی جبکہ ان کے نام سے متعلق بھی بہت سی پیشگوئیاں کی جارہی تھیں۔
کرینہ کے والد رندھیر کپور کی جانب سے سیف اور کرینہ کے دوسرے بیٹے کا نام ‘جہہ’ ہونے کی تصدیق کی گئی تھی۔
کرینہ کپور اور سیف علی خان 2012 میں شادی کے بندھن میں بندھے تھے جبکہ 2016 میں ان کا پہلا بیٹا ” تیمور علی خان” اس دنیا میں آیا تھا۔ جس کے نام پر انتہا پسند ہندووں کی جانب سے شدید تنقید کی گئی تھی۔
اور اب جہانگیر علی خان کے نام پر بھی بھارت میں دونوں اداکاروں کو تنقید کا سامنا ہے۔
