فلم “دل چاہتا ہے” کے 20 برس مکمل ہونے کے موقع پر فرحان اختر “جی لے ذرا” کے ساتھ ہدایت کاری کی دنیا میں واپس انٹری لے رہیں ہیں۔
جس کا اعلان انہوں نے خود ٹوئٹر پر فلم کے ٹیزر کو ریلیز کر کے کیا۔ فرحان اختر نے اپنے ٹوئٹ میں لکھا کہ ان کی نئی فلم میں اداکارہ پریانکا چوپڑا، کترینہ کیف اور عالیہ بھٹ پہلی بار ایک ساتھ نظر آئیں گی۔
فرحان اختر کی ٹوئٹ کے مطابق فلم کی شوٹنگ 2022 میں شروع ہو گی.
Did someone say road trip?
Thrilled to announce my next film as director and what better day than 20 years of Dil Chahta Hai to do it. #JeeLeZaraa with @priyankachopra #KatrinaKaif @aliaa08 will commence filming in 2022 and I cannot wait to get this show on the road. ?❤️ pic.twitter.com/Ycg5tRnEeF
— Farhan Akhtar (@FarOutAkhtar) August 10, 2021
اس منفرد فلم کے ساتھ ہدایت کار فرحان اختر ایک دہائی بعد ہدایت کاری کی دنیا میں واپس قدم رکھ رہے ہیں۔ اس سے پہلے 2001 میں فرحان اختر نے “دل چاہتا ہے” کی ہدایت کاری کی تھی۔ جس میں عامر خان، سیف علی خان اور اکشے کھنہ کی دوستی نے شائقین کے دل جیت لیے تھے۔
اب 20 سالوں بعد فرحان اختر تین دوستوں کی کہانی دوبارہ بنانے جا رہے ہیں لیکن اس بار یہ دوستی لڑکوں کی نہیں لڑکیوں کی ہو گی۔
جس میں بالی ووڈ کی تین ناموراداکارئیں پریانکا چوپڑا، کترینہ کیف اور عالیہ بھٹ روڈ ٹرپ پر نکلیں گی۔
“جی لے ذرا” کی کہانی زویا اختر، فرحان اختر اور ریما کگتی کی جانب سے لکھی گئی ہے جو “ایکسل انٹرٹینمنٹ اور ٹائیگر بے بی” کی پیش کش ہے۔
View this post on Instagram
فلم کے ٹیزر کو تینیوں اداکاروں نے بھی اپنے انسٹاگرام پر شئیر کیا ہے اور لکھا ہے کہ وہ اس ٹرپ کا بےصبری سے انتظار کر رہی ہیں۔ جبکہ مداحوں نے اسے پہلے ہی بڑی اور منفرد فلم قرار دے دیا ہے۔
