طالبان کے قبضے کے بعد افغانستان اورآسٹریلیا کے درمیان تاریخی ٹیسٹ میچ منسوخ ہونے کا خدشہ بڑھ گیا ہے۔
یہ ٹیسٹ میچ 27 نومبر سے آسٹریلیا کے شہر ہوبارٹ میں کھیلا جانا تھا۔
کچھ روز سے قبل ٹی ٹوئنٹی کے ٹاپ رینک کے افغان باولر راشد خان نے ٹوئٹ میں عالمی برادری سے اپیل کی تھی کی ان کا ملک افراتفری کا شکار ہے، بچوں اور عورتوں سمیت ہزاروں بے گناہ لوگ روزانہ شہید ہو رہے ہیں اور لوگوں کے گھر اور املاک تباہ ہو رہی ہیں۔
Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
Don’t leave us in chaos. Stop killing Afghans & destroying Afghaniatan??.
We want peace.?— Rashid Khan (@rashidkhan_19) August 10, 2021
راشد خان نے لکھا تھا کہ ان حالات میں ان کو اکیلا نہ چھوڑا جائے۔
کرکٹ آسٹریلیا نے افغانستان کی موجودہ صورت حال کے پیش نظر سفارتی معاملات کی وجہ سے افغانستان کرکٹ بورڈ سے براہ راست رابطہ نہیں کیا ۔ دونوں ملکوں کے درمیان ٹیسٹ میچ سال کے آخر میں کھیلا جانا تھا۔
تاہم سی اے کے ترجمان کا کہنا تھا کہ ان مشکل وقتوں میں وہ افغانستان کی عوام، افغانستان کرکٹ بورڈ میں ہمارے دوستوں اور افغانستان کی ٹیم کے ساتھ ہیں۔
رپورٹ کے طابق جب طالبان نے آخری بار افغانستان پر قبضہ کیا تھا تو کرکٹ پر پابندی لگا دی گئی تھی۔
