وزیرتعلیم نے یکساں نصاب تعلیم پر سندھ کےتحفظات کو سیاست قرار دے دیا

فائل فوٹو

وفاقی وزیر تعلیم شفقت محمود نے سندھ حکومت کے تحفظات کو سیاست قرار دے دیا ہے۔

یکساں قومی نصاب کے معاملہ پر وفاقی وزیرتعلیم  شفقت محمود نے سندھ حکومت کے تحفظات کو مسترد کردیا ہے۔ وفاقی وزیرنے سندھ حکومت کو سندھی میں نصاب پڑھانے کی بھی پیشکش کی۔

سندھ حکومت کے یکساں تعلیمی نصاب پر تحفظات کے ردعمل میں وفاقی وزیر تعلیم نے ہم نیوز سے خصوصی گفتگو کرتے ہوئے کہا کہ سندھ کی جانب سے نصاب کے معاملے پر سیاست چل رہی ہے۔

یہ بھی پڑھیں: یکساں نظام تعلیم سندھ سمیت ملک بھر میں نافذ کیا جائے گا، شفقت محمود

ان کا کہنا تھا کہ سندھ کی جانب سے نصاب کو مسترد کرنے کی وجوہات سیاسی ہیں۔ سندھ حکومت پر شاید نجی اسکولوں کا دباؤ ہے۔

یکساں تعلیمی نصاب کے معاملے پر سندھ حکومت سے تفصیلی بات چیت کی تھی، سندھ حکومت کو دو تین نقاط کے علاوہ کوئی اعتراض نہیں تھا۔

ان کا کہنا تھا کہ یکساں تعلیمی نصاب کے معاملے پر سندھ کے ماہرین مشاورت میں ساتھ رہے۔

سندھ حکومت کے فیصلے سے نقصان صوبے کے بچوں کا ہوگا، ایلیٹ کلاس کے بچے تو یہاں پڑھتے ہی نہیں وہ بچوں کو باہر بھیج دیتے ہیں۔ سندھ اگر سندھی میں نصاب پڑھانا چاہے تو ہمیں اعتراض نہیں۔

متعلقہ خبریں

ٹاپ اسٹوریز