کراچی میں پی ڈی ایم کا جلسہ پیپلزپارٹی کے خلاف تھا، فواد چودھری

افغانستان کو تنہا نہ چھوڑا جائے، انسانی المیہ جنم لے رہا ہے : فواد چودھری

اسلام آباد: وفاقی وزیر اطلاعات و نشریات فواد چودھری نے کہا ہے کہ کراچی میں پی ڈی ایم کا جلسہ پیپلزپارٹی کے خلاف تھا۔

کراچی کماؤ شہر ہے،پہلا حق ہے، مزدوری کیلیے آنیوالے آج کاروبار کررہے ہیں: شہباز شریف

ہم نیوز کے مطابق پاکستان تحریک انصاف سے تعلق رکھنے والے وفاقی وزیر اطلاعات و نشریات فواد چودھری نے کراچی میں پی ڈی ایم کے زہر اہتمام منعقدہ جلسے پر اپنے ردعمل میں کہا کہ پیپلزپارٹی کی حکومت سے کوئی بھی مطمئن نہیں ہے۔

انہوں نے کہا کہ کراچی کا جلسہ پی ڈی ایم کا نہیں مولانا فضل الرحمان کا تھا۔ انہوں ںے کہا کہ مولانا فضل الرحمان صرف شرارت میں مہارت رکھتے ہیں سیاست میں نہیں۔

پی ڈی ایم وعدوں، نعروں اور دعوؤں میں ناکامی کا ورلڈ کپ جیت چکی: فرخ حبیب

فواد چودھری نے کہا کہ ملک میں مولانا فضل الرحمان کا کوئی اسٹیک نہیں ہے۔ ان کا کہنا تھا کہ کوئی شک نہیں کہ سندھ میں اگلی حکومت تحریک انصاف کی ہو گی۔

پی ٹی آئی سے تعلق رکھنے والے وفاقی وزیر نے کہا کہ جب یہ پہلے دھرنا دینے آئے تو انہوں نے کچھ نہیں کیا تو اب کیا کریں گے؟

انہوں نے دعویٰ کیا کہ آج پی ڈی ایم نے صرف شو کیا جس میں کوئی پاور نہیں تھی۔ انہوں ںے کہا کہ ایسی نا اہل اور غیر سنجیدہ اپوزیشن پاکستان کی تاریخ میں دیکھنے کو نہیں ملی۔ ان کا کہنا تھا کہ یہ آئندہ 7 سال بھی احتجاجی بینرز اٹھا کر گزارا کریں گے۔

پی ٹی آئی سے تعلق رکھنے والے وفاقی وزیر نے کہا کہ شہبازشریف کو نوازشریف نے سوڈنڈے کھانے کے لیے رکھا ہوا ہے۔ انہوں نے کہا کہ شہباز صاحب! مہنگائی اس لیے ہوئی کیونکہ آپ کے بڑے بھائی اور داماد عوام کی جیب کاٹ کر لندن چلے گئے۔ ان کا کہنا تھا کہ عوام کے ذہنوں میں نعرہ شیر آٹا کھا گیا ابھی تازہ ہے۔

پرچی چیئرمین کی بیان بازی حالات سے توجہ ہٹانے کی ناکام کوشش ہے، شہباز گل

فواد چودھری نے کہا کہ کورونا وبا کے پیش نظر جلسوں کی صورت میں قانون اور ایس او پیز کی دھجیاں اڑانا قابل مذمت ہے۔ انہوں نے سوال کیا کہ آخر اپوزیشن کب تک معصوم عوام کی جانوں سے یونہی کھیلتی رہے گی؟

ہم نیوز کے مطابق وفاقی وزیر نے کہا کہ کورونا سے اپنوں کو کھونے والے باشعورعوام انہیں کبھی معاف نہیں کریں گے۔ انہوں نے کہا کہ مولانا سے گزارش ہے کہ اپنی سیاسی انا کی تسکین کے لیے خود کی مزید رسوا نہ کریں۔

وفاقی وزیر نے کہا کہ مولانا نے جس اتحاد کی بھی قیادت کی وہ کامیاب نہ ہو سکا۔ ان کا کہنا تھا کہ کوئی شک نہیں کہ سندھ میں اگلی حکومت پی ٹی آئی کی ہو گی۔

پاکستان کو پھر ضرورت ہے جیالے تیار ہوجائیں، ہمیں دیوار سے نہ لگایا جائے: بلاول

ہم نیوز کے مطابق فواد چودھری نے کہا کہ افغانستان میں اشرف غنی کے جانے کے بعد سیاسی بحران پیدا ہو گیا ہے۔ انہوں نے کہا کہ افغانستان کی صورتحال پر دنیا کو خاموش نہیں رہنا ہو گا۔


متعلقہ خبریں