وزیراعظم عمران خان نے سوشل میڈیا کی ویب سائٹ ٹوئٹر پر اپنے ٹویٹ میں کہا ہے کہ الحمداللہ رواں سال غیر معمولی موسم کے باوجود گزشتہ روز تربیلا ڈیم مکمل بھر گیا ہے۔
انہوں نے مزید کہا ہے کہ تربیلا ڈیم کا بھر جانا زراعت اور ہائیڈل بجلی بنانے کے لیے اچھا شگون ہے۔
وزیر اعظم عمران خان نے متعلقہ اداروں کی تعریف کرتے ہوئے کہا ہے کہ بہترین واٹر ریگولیشن پر واپڈا اور ارسا کی کارکردگی قابل تعریف ہے۔
Alhamdulillah, Tarbela Dam filled to its max level yesterday despite unfavourable weather conditions this year. This is a good omen for agriculture & hydel generation. Appreciate the team at WAPDA/IRSA for improved water regulation.
— Imran Khan (@ImranKhanPTI) September 2, 2021
یاد رہے کہ گزشتہ روز ارسا نے تربیلا ڈیم کے مکمل بھر جانے کی تصدیق کی تھی۔ ارسا کے مطابق تربیلا ڈیم کا آبی ذخیرہ ایک ہزار 550 فٹ کی انتہائی حد تک پہنچ گیا ہے اور تربیلا ڈیم میں پانی ذخیرہ کرنے کی حد بھی ایک ہزار 550 فٹ تک ہے۔
یہ بھی پڑھیں: تربیلا ڈیم کا آبی ذخیرہ مکمل بھر گیا
ارسا کا کہنا تھا کہ بارشوں اور پہاڑوں پر برف پگھلنے سے ڈیم میں پانی کی آمد بڑھی ہے تاہم وافر پانی کی دستیابی سے کاشتکاری اور فصلوں کو فروغ ملے گا۔
وزیر اعظم عمران خان نے گزشتہ ماہ تربیلا ڈیم کے دورے کے دوران پانچویں توسیعی منصوبے کا سنگ بنیاد رکھا تھا۔ تربیلا توسیعی منصوبے سے ایک ہزار 530 میگاواٹ اضافی بجلی پیدا ہو گی۔ جس کے بعد تربیلا کی بجلی پیدا کرنے کی صلاحیت 6418 میگا واٹ ہو جائے گی۔
