اسلام آباد: مشیر تجارت عبدالرزاق داؤد کا کورونا ٹیسٹ مثبت آ گیا۔
مشیر تجارت عبدالرزاق نے کورونا ٹیسٹ مثبت آنے پر خود کو گھر میں قرنطینہ کر لیا ہے۔ ان کا کہنا ہے کہ کورونا کی علامات معمولی ہیں۔
مشیر تجارت نے لوگوں سے دُعاؤں کی درخواست کی ہے۔
پاکستان میں گزشتہ 24 گھنٹوں کے دوران عالمی وبا کوروناوائرس کے باعث مزید 89 افراد جاں بحق ہوگئے۔ ملک بھرمیں کورونا کے باعث اموات کی مجموعی تعداد 25 ہزار 978 ہو گئی۔
نیشنل کماند اینڈ آپریشن سینٹر (این سی او سی) کی جانب سے جاری تازہ اعدادو شمار کے مطابق گزشتہ 24 گھنٹوں کے دوران ملک بھر میں 4 ہزار 103کورونا کیسز رپورٹ ہوئے۔ ملک بھر میں کوروناکے مجموعی کیسز کی تعداد 11 لاکھ 67ہزار 791ہوگئی۔
یہ بھی پڑھیں: کورونا کی نئی قسم میو: عالمی ادارہ صحت نے مانیٹرنگ شروع کردی
این سی او سی کے مطابق گزشتہ 24 گھنٹے میں 61 ہزار 651کورونا ٹیسٹ کیے گئے۔ گزشتہ 24 گھنٹے میں کورونا مثبت کیسز کی شرح 6.65فیصد رہی۔
سندھ میں کورونا کے کیسز کی تعداد 4 لاکھ 33 ہزار 931، خیبر پختونخوا میں ایک لاکھ 63 ہزار 10، پنجاب میں تین لاکھ 96 ہزار 326، اسلام آباد میں 99 ہزار 910، بلوچستان میں 32 ہزار 248، آزاد کشمیر میں 32 ہزار 380 اور گلگت بلتستان میں 9 ہزار 952 ہو گئی ہے.
