آئی فون استعمال کرنے والے بےصبری سے آئی فون 13 کا انتظار کر رہے ہیں تو اب یہ انتظار ختم ہو والا ہے۔
کمپنی کی جانب سے ایک ایونٹ کے دعوت نامے ارسال کیے گئے ہیں جو 14 ستمبر کو آن لائن منعقد ہوگا۔ جس کے بعد عالمی میڈیا کا ماننا ہے کہ اسی ایونٹ میں نئے آئی فونز پیش ہوں گے۔ ایونٹ کو کیلیفورنیا اسٹریمنگ کا نام دیا گیا ہے۔
آئی فون 13 گزشتہ سال کے آئی فون 12 کے اپ ڈیٹ ورژن ہوں گے جبکہ بہت زیادہ مختلف ہونے کا امکان نہیں۔
We’re California Streaming on September 14th. See you real soon. ? #AppleEvent pic.twitter.com/OjOvJFXlHd
— Greg Joswiak (@gregjoz) September 7, 2021
ہمیشہ کی طرح اس سال بھی پہلے سے بہتر کیمرا سیٹ اپ ڈیوائسز کا حصہ ہوگا، جبکہ اے 15 پراسیسر اور بڑی بیٹری بھی ان فونز میں موجود ہوگی۔
اس بار یہ بھی کہا جا رہا ہے کہ آئی فونز میں سیٹلائیٹ کال سپورٹ کا فیچر ہوسکتا ہے مگر ممکنہ طور یر یہ مخصوص علاقوں میں ایمرجنسی استعمال تک محدود ہوگا۔
رپورٹ کے مطابق 2021 میں بھی 4 نئے آئی فونز متعارف ہوں گے جن میں 5.4 انچ کا آئی فون 13 منی، 6.1 انچ کا آئی فون 13، 6.1 انچ کا آئی فون 1 پرو اور 6.7 انچ کا آئی فون 13 پرو میکس شامل ہوں گے۔
