معروف پاکستانی اداکارہ منال خان اور اداکار احسن محسن کی شادی کی تقریبات کا آغاز ہوگیا۔
گزشتہ شب منال اور احسن کی شادی کی تقریبات کا آغاز ڈھولکی کی محفل سے ہوا۔ ڈھولکی کی تصاویر اور ویڈیوز سوشل میڈیا پر وائرل ہو نے لگیں۔
یہ بھی پڑھیں: منال خان اور احسن اکرام کی شادی، دن طے، کارڈ چھپ گیا، ہوٹل بک
ڈھولکی کی تصاویر اور ویڈیوزمنال اور احسن کی جانب سے سوشل میڈیا کی ویب سائٹ انسٹاگرام پر اپنے اکاؤنٹس پر شیئر کی گئیں ہیں ۔تصاویر میں دیکھا جاسکتا ہے کہ دلہن نےاورنج رنگ کا لہنگا پہنا ہوا ہے جب کہ دلہا میاں سفید شلوار قمیض پر واسکٹ پہنے خوب جچ رہے ہیں۔
View this post on Instagram
دوسری جانب ویڈیوز میں منال اور احسن کو ایک دوسرے کے ہمراہ رقص بھی کرتے دیکھا جاسکتا ہے۔
انسٹا گرام پر شوبز ستاروں اور مداحوں کی جانب سے دونوں کے لیے نیک خواہشات کا اظہار کیا جارہا ہے اور شادی کی مبارکباد بھی دی جارہی ہے۔
View this post on Instagram
اس سے پہلے سوشل میڈیا ویب سائٹ انسٹاگرام پراداکار احسن محسن اکرام نے شادی کے کارڈ کی تصویرشیئر کی تھی۔ منگنی سے شادی کی تیاری تک دونوں ہی مداحوں کی توجہ کا مرکز بنے رہے اور اب مداح ان کی شادی تقریبات کا بے چینی سے انتظار کر رہے ہیں۔
View this post on Instagram
واضح رہے کہ 8 ستمبر بروز بدھ کو منال خان اور احسن محسن کی مایوں، 10 ستمبر جمعے کو بارات اور 12 ستمبر اتوار کو دونوں کے ولیمے کی تقریب ہوگی۔
یاد رہے کہ اداکارہ منال خان اور احسن محسن اکرام کی رواں برس مئی میں بات پکی ہوئی تھی جبکہ دونوں کی منگنی جون میں ہوئی تھی۔