تربوز کے چھلکے میں چھپے فوائد

گرمیوں کے سیزن میں تربوز ہر کسی کی ضرورت بن جاتا ہے، جو بظاہر انسان کے اندر پانی کی کمی کو پورا کرتا ہے۔ تربوز کا شمار مفید ترین پھلوں میں ہوتا ہے کیوں کہ یہ پوٹاشیم اور میگنیشیم جیسے اہم وٹامن سے بھرپور ہوتا ہے۔

تاہم ہم تربوز کو کھانے سے پہلے اس کے سبز چھلکے کو پھینک دیتے ہیں کیونکہ اس کے فوائد کے بارے میں ہمیں زیادہ آگاہی نہیں۔

طبی امور سے متعلق انگریزی ویب سائٹ”Health Line” کے مطابق تربوز کے چھلکے کے متعدد فوائد ہیں۔

یہ بھی پڑھیں: پھل کیوں کھائے؟سوتیلے باپ کا بیٹے پر بہیمانہ تشدد، ملزم گرفتار

تربوز کا چھلکا ورزش اور مشق کے دوران میں کھلاڑیوں کی کارکردگی بہتر بنانے میں مدد گار ہوتا ہے۔ چھلکے کے اندر موجود سٹرولین خون کی شریانوں کو وسیع کرتا ہے۔ علاوہ ازیں سٹرولین سپلیمنٹ آکسیجن کو پٹھوں تک پہنچانے کا عمل بہتر بناتا ہے۔

بعض تحقیقی مطالعوں کے مطابق تربوز انتہائی موٹاپے سے دوچار افراد کے لیے فشار خون کنٹرول کرنے میں معاون ہوتا ہے۔ سٹرولین سپلیمنٹ بلند فشار خون میں مبتلا افراد کا بلڈ پریشر کم کرتا ہے۔

یہ بھی پڑھیں:تربوز کھانے کے 9 فوائد

تربوز کے چھلکے کا ایک اور فائدہ اس کا ریشے سے بھرپور ہونا ہے۔ ریشے سے بھرپور غذائی نظام آنتوں کی حرکت کو منظم رکھتا ہے۔ علاوہ ازیں یہ بڑی آنت کے امراض سے متاثر ہونے کے خطرات کو کم کرتا ہے۔

اسی طرح ریشہ خون میں کولسٹرول اور شوگر کی سطح کو کم رکھنے میں مدد کرتا ہے۔

متعلقہ خبریں

ٹاپ اسٹوریز