وزیرمملکت برائے اطلاعات فرخ حبیب نے دعویٰ کیا ہے کہ پاکستان میں فی لیٹر پیٹرول کی قیمت خطے کے دیگر ممالک کی نسبت سب سے کم ہے۔
انہوں نے ٹویٹ کیا کہ پیٹرولیم مصنوعات کی قیمتوں پرواویلا کرنے والوں کے ادوار میں پیٹرولیم مصنوعات پر ٹیکسز کی شرح 52فیصد تک رہی۔
ان کا کہنا ہے کہ ایک سال کے دوران پیٹرولیم مصنوعات کی قیمتوں میں عالمی سطح پر اسی فیصد تک اضافہ ہوا۔
پاکستانی کرنسی کے مطابق اسوقت ہندوستان میں پیٹرول245روپے تک،بنگلہ دیش 175.33روپے،سعودی عرب104.20روپے،یو اے سی 111.42روپے،چین میں 194 روپے،سری لنکا 154روپے،آذربائجان 98.65روپے ،ہانک گانگ میں425.25روپے فی لیٹر ہے۔پاکستان اب بھی دنیا کے بہت سے ممالک کی نسبت پیڑول سستا فراہم کررہا ہے
— Farrukh Habib (@FarrukhHabibISF) September 17, 2021
ٹوئٹر پیغام میں انہوں نے کہا کہ موجودہ حکومت نے اپنے ٹیکسز کی شرح میں بتدریج کمی کرکے 18.5فیصد اضافہ کیا ہے۔
یہ بھی پڑھیں:ن لیگ اور پیپلزپارٹی کے دور میں پیٹرول کی قیمت کیا تھی؟
پاکستانی کرنسی کے مطابق اسوقت ہندوستان میں پیٹرول245روپے تک، بنگلہ دیش 175.33روپے، سعودی عرب104.20روپے، یو اے ای میں 111.42روپے میں فروخت ہورہا ہے۔
وفاقی وزیر کا کہنا ہے کہ چین میں 194 روپے، سری لنکا 154روپے، آذربائجان 98.65روپے اور ہانک کانگ میں میں پیٹرول425.25روپے فی لیٹر فروخت ہو رہا ہے۔
فرخ حبیب نے دعویٰ کیا کہ پاکستان اب بھی دنیا کے بہت سے ممالک کی نسبت پیڑول سستا فراہم کررہا ہے۔
