محکمہ سکول ایجوکیشن نے لاہور، راولپنڈی اور فیصل آباد سمیت پنجاب کے اسکولوں میں تعلیمی سال کے دورانیے میں اضافہ کردیا۔
وزیر تعلیم پنجاب مراد راس نے سوشل میڈیا کی ویب سائٹ ٹوئٹر پر ایک پیغام میں کہا ہے کہ اسکولوں کے تعلیمی سال22-2021 کے دورانیے کو بڑھا دیا گیا ہے.
اب تعلیمی سال کا دورانیہ جون 2022 تک ہوگا۔ اسکولوں کے سالانہ امتحانات جون میں ہوں گے۔ تعلیمی سال کے دورانیے میں اضافہ عالمی وبا کورونا کے باعث اسکولوں کی مسلسل بندش کی وجہ سے کیا گیا ہے۔
ANNOUNCEMENT:
The School year for 2021 – 22 has been extended to June 2022. Final Examinations will be conducted in June 2022 InshAllah. This extension in school year is strictly due to the closure of schools because of COVID 19.— Murad Raas (@DrMuradPTI) September 17, 2021
واضح رہے کہ پنجاب بورڈز چیئرمینز کمیٹی نے حکومت سے استدعا کی تھی کہ جاری سال میں چھٹیوں کی تعداد اور آئندہ امتحان کے انعقاد سے آگاہ کیا جائے۔ تاکہ پنجاب کریکولم اینڈ ٹیکسٹ بک بورڈ طلباء کا امتحانی نصاب تیار کر سکے۔
یہ بھی پڑھیں: ملک بھر میں تعلیمی ادارے کھل گئے
یاد رہے کہ کورونا وبا کے باعث اسکولوں میں بچوں کی تعلیم مسلسل متاثر ہو رہی ہے۔ گزشتہ روز اسکولوں کو دو ہفتوں کی بندش کے بعد دوبارہ کھول دیا گیا ہے۔
ایس او پیز پر عملدرآمد کے تحت اسکولز میں 50 فیصد حاضری، ماسک لازمی ، لنچ اور پانی کی بوتل بھی بچوں کو ساتھ لانے کی ہدایت کی گئی ہے۔
تعلیمی اداروں میں کورونا سے بچاو کے احتیاطی تدابیر پر عمل لازمی ہوگا۔ صوبائی اور ضلعی سطح پر مانیٹرنگ ٹیمیں ایس او پیز پر عملدرآمد یقنینی بنائیں گی۔
