کراچی: پیپلز پارٹی کی رکن سندھ اسمبلی شرمیلا فاروقی کی لیاری میں چائے پینے کی ویڈیو سوشل میڈیا پر وائرل ہو گئی۔
پیپلز پارٹی کی رہنما شرمیلا فاروقی نے سماجی رابطے کی ویب سائٹ ٹوئٹر پر اپنی ایک ویڈیو شیئر کی جس میں انہیں چائے پیتے دیکھا جا سکتا ہے اور وہ اس چائے کی پسندیدگی کا اظہار بھی کر رہی ہیں۔
شرمیلا فاروقی صبح ہی صبح لیاری کے علاقے چیل چوک پہنچ گئیں جہاں انہوں نے ایک چائے ہوٹل سے صبح ہی صبح ملائی چائے بنوائی اور چائے بنانے والے سے مکالمہ بھی کیا۔
Best malai chai at cheel Chowk Lyari pic.twitter.com/528F4Ezt4b
— Sharmila Sahibah faruqui S.I (@sharmilafaruqi) September 18, 2021
شرمیلا فاروقی نے چائے والے سے استفسار کیا کہ آپ کتنے عرصے سے چائے بنا رہے ہیں جس پر چائے والے نے جواب دیا کہ وہ 15 سال سے چائے بنا رہا ہے۔
یہ بھی پڑھیں: کراچی سے 49 کھرب 60 ارب ٹیکس جمع، واپس لگا صرف 52 ارب
شرمیلا فاروقی نے ہوٹل میں ہی بیٹھ کر گرم گرم چائے کی چسکیاں لیں اور عوامی انداز سے اچھی چائے بنانے پر ہوٹل والے کو داد دی۔