بھارتی وزیرِ اعظم نریندر مودی 3 روزہ دورے پر امریکا روانہ ہو گئے۔
بھارتی وزیرِ اعظم نے ٹوئیٹ کی کہ وہ امریکی صدر جوبائیڈن کی دعوت پر امریکا کا دورہ کر رہے ہیں، جس دوران وہ نائب امریکی صدر کاملا ہیرس سے ملاقات میں عالمی امور اور دو طرفہ تعاون پر گفتگو بھی ہو گی۔
مودی نے مزید لکھا کہ ان کا یہ دورہ امریکا کے ساتھ جامع عالمی اسٹریٹجک شراکت داری کو مضبوط بنانے، اسٹریٹجک شراکت داروں، جاپان اور آسٹریلیا کے ساتھ تعلقات کو مستحکم کرنے اور اہم عالمی مسائل پر تعاون کو آگے بڑھانے کا موقع ہو گا۔
At the invitation of @POTUS @JoeBiden, I am visiting USA to continue our dialogue, and exchange views on areas of mutual interest. Also looking forward to meet @VP @KamalaHarris to discuss global issues and explore ideas for cooperation between ????.
— Narendra Modi (@narendramodi) September 22, 2021
بھارتی وزیراعظم 24 ستمبر کو امریکی صدر جوبائیڈن سے ملاقات کریں گے۔ امریکی صدر بننے کے بعد بائیڈن کے ساتھ یہ ان کی پہلی ملاقات ہوگی۔
بھارتی میڈیا کے مطابق مودی امریکا کے دورے میں اقوامِ متحدہ کی جنرل اسمبلی میں خطاب بھی کریں گے، جس میں عالمی مسائل ، وبائی امراض، دہشت گردی ، موسمیاتی تبدیلی اور دیگر اہم مسائل پر بات کریں گے۔
