الیکشن کمیشن کی غلطیوں سے پاک الیکٹرانک ووٹنگ مشین تیار کرنے کی ہدایت

الیکشن کمیشن نےغلطیوں سے پاک الیکٹرانک ووٹنگ مشین تیار کرنے کی ہدایت کردی

چیف الیکشن کمشنر کی سربراہی میں آئندہ عام انتخابات سے متعلق اجلاس ہوا جس دوران الیکشن کمیشن نے آئندہ عام انتخابات کیلئے نئی حلقہ بندیاں کرنے اور آئندہ انتخابات میں آرٹی ایس کے استعمال پر اتفاق کر لیاہے ۔

یہ بھی پڑھیں: الیکشن کمیشن بتا دے کہ ای وی ایم میں کیا خرابی ہے، سینیٹر فیصل جاوید

الیکشن کمیشن نے دوران اجلاس غلطیوں سے پاک ای وی ایم تیار کرنے اور ٹیکنیکل کمیٹی کو ای وی ایم پر جلد جائزہ مکمل کرنے کی ہدایت کر دی ہے۔

الیکشن کمیشن کا کہناتھا کہ غلطی اور خامی سے پاک ٹیکنالوجی کے حق میں ہیں ، حکومت نے تاحال ای وی ایم سے متعلق چیزیں فراہم نہیں کی ہیں ، ووٹرز فہرستوں کی ڈور ٹو ڈور تصدیقی مہم شروع کرنے پر بھی اتفاق کر لیا گیاہے۔

نئی حلقہ بندیاں 2017 کی مردم شماری پر رپورٹ پر تیاریوں کی ہدایت بھی کر دی گئی ہے۔

اس کے علاوہ الیکشن کمیشن نے ٹیکنیکل کمیٹی کو آئندہ عام انتخابات کے لیے نادرا سے مل کر 2018 کے عام انتخابات میں آر ٹی ایس اور آر ایم ایس میں آنے خامیوں کو دور کرنے کی ہدایت بھی کی  ہے.

یہ بھی پڑھیں: چیف الیکشن کمشنر  اپوزیشن کی زبان بول رہے ہیں،وزیراطلاعات

آئندہ عام انتخابات کی تیاریوں سے متعلق الیکشن کمیشن  کے اجلاس میں الیکشن کمیشن کے ممبران، سیکریٹری الیکشن کمیشن اور اسپیشل سیکرٹری سمیت تمام ونگز کے حکام نے شرکت کی۔ جس میں انتخابی امور اور تیاریوں پر بریفنگ دی گئی۔

 

متعلقہ خبریں