گلوکار شہزاد رائے نے اگست میں وائرل ویڈیو میں ’ٹین ڈبوں‘ سے موسیقی کی دھنیں بجانے والے بچوں کو جدید ترین میوزک آلات بھجوا دئیے ہیں۔
پاکستانی گلوکار نے سوشل میڈیا پوسٹ پر بتایا کہ انہوں نے اپنے منیجر کے توسط سے گلگت بلتستان کے علاقے ہنزہ سے تعلق رکھنے والے ان بچوں تک موسیقی آلات پہنچا دیے ہیں۔ جس کی ویڈیو بھی ان کے اکاونٹ پر لگائی گئی ہے۔
Mission accomplished!!!!Instruments delivered to young talented Hunza boys !!! Thanks to Asim and Asad bhai… Special thanks to @WithRider pic.twitter.com/GqmzlTikVf
— Shehzad Roy (@ShehzadRoy) September 22, 2021
ان کا کہنا تھا کہ جب انہوں نے ہنزہ کے بچوں کی ’ٹین ڈبوں‘ سے موسیقی بجانے کی ویڈیو دیکھی تو انہیں اپنا بچپن یاد آگیا ، اس لیے انہوں نے بچوں کو آلات بھجوائے۔
یہ بھی پڑھیں: شہزاد رائے نے انوپم کھیر کا جھوٹ پکڑ لیا
تاہم گلوکار نے بتایا کہ جب انہوں نے بچوں سے رابطہ کیا تو معلوم ہوا کہ وائرل ہونے والی ویڈیو 10 سال پرانی تھی اور اب وہ بچے بڑے ہو چکے ہیں۔
Mission accomplished!!!!Instruments delivered to young talented Hunza boys !!! Thanks to Asim and Asad bhai… Special thanks to @WithRider pic.twitter.com/GqmzlTikVf
— Shehzad Roy (@ShehzadRoy) September 22, 2021
بچوں کی ’ٹین ڈبوں‘ کے ساتھ موسیقی بجانے کی ویڈیو 2013 میں بنائی گئی تھی اور اس وقت بھی وہ کافی مشہور ہوئی تھی، تاہم رواں برس اگست میں وہ ایک بار پھر وائرل ہوئی۔
شہزاد رائے کی جانب سے بچوں کی ویڈیو شیئر کیے جانے کے بعد وہ مزید وائرل ہوگئی تھی جس کو بالی وڈ اداکار انوپم کھیر نے بھی ان کی ویڈیو شیئر کرتے ہوئے بچوں کو بھارتی قرار دیا تھا۔