ویکسینیشن نہ کرانے والوں پر پابندیوں کا اطلاق آج سے ہو گا

کورونا وائرس سے بچاؤ: آج سے بوسٹر ویکسین لگانے کا فیصلہ

اسلام آباد: عالمی وبا قرار دیے جانے والے کورونا وائرس سے بچاؤ کی ویکسینیشن نہ کرانے والوں پر اعلان کردہ پابندیوں کا اطلاق آج سے ہوگا۔

5سے11سال کے بچوں کو کورونا ویکسین لگانے کی تیاری

واضح رہے کہ نیشنل کمانڈ اینڈ آپریشن سینٹر (این سی او سی) نے کورونا وائرس کی ویکسینیشن نہ کرانے والے شہریوں کو یکم اکتوبر سے کئی سہولوں سے محروم کرنے کا اعلان کیا تھا۔

اس ضمن میں این سی او سی نے خبردار کیا تھا کہ ویکسینیشن نہ کرانے والے افراد فضائی سفر کرنے کے مجاز نہیں ہوں گے اور نہ ہی ایسے افراد کو شادی کی تقاریب اور شاپنگ مالز میں جانے کی اجازت ہوگی۔

ویکسینیشن نہ کروانے والوں پر آئندہ ماہ سےپابندیاں عائد ہو جائیں گی

این سی او سی کے اعلان کے تحت ویکسینیشن نہ کرانے والے افراد کو ڈائن ان و ڈائن آؤٹ کی بھی اجازت نہیں ہو گی اور نہ ہی وہ ہوٹلز یا گیسٹ ہاؤسز میں قیام کرنے کے مجاز ہوں گے۔

کورونا ویکسینیشن نہ کرانے والے ایسے افراد جو تعلیمی اداروں میں بطور اساتذہ فرائض سر انجام دے رہے ہیں، آج سے ذمہ داریاں ادا کرنے کے مجاز نہیں ہوں گے۔

ویکسین مت لگوائیں !میت گاڑی کا اشتہار

این سی او سی کے اعلان کے تحت شعبہ ٹرانسپورٹ سے وابستہ ایسے افراد جنہوں نے ویکسینیشن نہیں کرائی ہے اپنی ڈیوٹیاں آج سے ادا نہیں کرسکیں گے۔


متعلقہ خبریں