ترکی میں گمشدہ شہری انجانے میں اسی گروپ میں شامل ہو گیا جو اس کی تلاش کو نکلے تھے، کئی گھنٹوں بعد معلوم ہوا کہ سب لوگ تو اسی کو ڈھونڈ رہے ہیں۔
ترک میڈیا کے مطابق ترکی میں برسہ کے علاقے میں بیہان متلو نامی شہری اپنے دوستوں کے ساتھ شراب نوشی کے بعد جنگل کی طرف نکل گیا۔
رات گئے گھر نہ پہنچنے پر بیہان متلو کی اہلیہ نے مقامی حکام کو رپورٹ درج کرائی، چنانچہ پولیس نے شہری کی تلاش میں ایک ٹیم روانہ کی۔
Bursa’nın İnegöl ilçesinde, Beyhan Mutlu isimli şahıs, kendisi için başlatılan arama çalışmalarını başkası için zannederek saatlerce kendini aradı.
Ekipler, arama çalışmasıyla ilgili tutanak düzenleyip kayıp şahsı evine bıraktılar. pic.twitter.com/yhVaPSh7wY
— Vaziyet (@vaziyetcomtr) September 28, 2021
جنگل میں 50 سالہ بیہان کی ملاقات ان ہی کی تلاش میں نکلے ہوئے لوگوں سے ہوئی اور وہ بھی اس گروہ کے ساتھ شامل ہو گیا۔ لیکن اسے کئی گھنٹوں تک معلوم نہیں ہو سکا کہ وہ اسی کو تلاش کر رہے ہیں۔
پولیس کے مطابق جب امدادی کارکنوں نے بلند آواز میں بیہان کا نام پکارنا شروع کیا تو اسے معلوم ہوا اور اس نے کہا کہ یہ تو میں ہی ہوں۔
اس کے بعد پولیس نے وہیں ان کا بیان ریکارڈ کرایا اور پھر اپنی گاڑی میں بٹھا کر گھر تک چھوڑنے گئی۔ تاہم یہ معلوم نہیں ہو سکا کہ پولیس نے بیہان متلو پر کوئی جرمانہ بھی عائد کیا یا نہیں۔