وزیراعظم عمران خان کی سابق اہلیہ جمائما خان نے کہا کہ پاکستان سے واپس آنے کے بعد ان کا مانناہے کہ ارینجڈ میرج ، رومانوی رشتوں سے زیادہ کامیاب ہوتی ہیں
جمائما خان نے برطانوی اخبار دی ایوننگ سٹیڈرڈ کے ساتھ اپنے آئندہ آنے والے شو ’دی امپیچمنٹ‘ کے بارے میں بات کرتے ہوئے اپنی نجی زندگی کے بارے میں بات کی۔
جمائما خان نے اپنے انٹرویو میں ارینجڈ میرج کے فائدے بتائے کہا کہ جب وہ پاکستان میں تھیں تو ارینجڈ شادیاں کرواتی تھی۔ اور ان کے شوہر کے دوستوں کے بچے کہتے تھے کہ وہ ارینجڈ میرج کرنے کو تیار ہیں لیکن اس میں جمائما کا شامل ہونا ضروری ہے۔
My interview about Impeachment & working on the show with my friend and co-producer @MonicaLewinsky (BBC2 October 19th) https://t.co/IjHEh3p3Zw
— Jemima Goldsmith (@Jemima_Khan) October 13, 2021
اپنے انٹرویو میں وزیراعظم عمران خان کی سابقہ اہلیہ کا کہنا تھا کہ وہ جانتی ہیں کہ جبری شادی ایک مکمل طور پر مختلف چیز ہے۔ لیکن انہوں نے ‘اسسٹڈ میرج’ کو کامیاب ہوتے دیکھا ہے۔
جمائما خان کا کہنا تھا کہ جب وہ پاکستان گئی تھیں تب وہ ارینجڈ میرج کو پرانا اور پاگلوں والا خیال سمجھتی تھیں، اور رومانوی رشتوں پر ہی یقین رکھتی تھیں، لیکن 10 سال پاکستان میں رہنے کے بعد جب برطانیہ واپس لوٹیں تو انہیں اریجنڈ میرج میں کچھ فوائد نظر آئے۔
یہ بھی پڑھیں: عمران خان کو نقصان پہنچانے کیلئے مجھے نشانہ بنایا جاتا تھا، جمائما خان
وزیراعظم عمران خان کی سابق اہلیہ جمائما خان نے انٹرویو میں اپنے پاکستان چھوڑنے کی وجہ بھی بتائی ، انہوں نے دعویٰ کیا ہے کہ انھیں پاکستان اس لیے چھوڑنا پڑا تھا کیونکہ ان کے خلاف سیاسی بنیادوں پر کیس بنائے جا رہے تھے اور انھیں عمران خان کو نشانہ بنانے کے لیے استعمال کیا جا رہا تھا۔
جمائما نے کہا کہ ان کی شادی اپنے سے کافی بڑی عمر کے شخص سے ہوئی تھی۔ جو کہ سیاسی طور پر طاقتور تھا، اور اسے نقصان پہنچانے کے لیے مجھے ٹارگٹ کیا جارہا تھا۔ انہوں نے بتایا کہ انہیں سیاسی بنیادوں پر جیل کی دھمکی بھی دی گئی تھی۔
