لاہور: جماعت اسلامی نے مہنگائی کے خلاف ملک بھر میں ہفتہ احتجاج منانے کا اعلان کر دیا۔
امیر جماعت اسلامی پاکستان سراج الحق نے میڈیا سے گفتگو میں کہا کہ ملک میں حکومت عالمی مالیاتی فنڈ (آئی ایم ایف) چلا رہا ہے اور وزیر اعظم نے آئی ایم ایف کے سامنے سرنڈر کرنے پر خودکشی نہیں کی۔
انہوں نے کہا کہ ہر چیز کی قیمت میں مسلسل اضافہ قیامت صغری کے مترادف ہے اور اس وقت ملک میں چوروں کی نہیں ڈاکووں کی حکومت ہے۔ پیٹرول مافیا، بجلی مافیا، گیس مافیا، آٹا مافیا، چینی مافیا، ملک پر مافیاؤں کا قبضہ ہے۔
یہ بھی پڑھیں: پیٹرول کی قیمت میں 10روپے 49پیسے فی لیٹر کا بڑا اضافہ
سراج الحق نے کہا کہ جماعت اسلامی نے کل سے ملک بھر میں ہفتہ احتجاج منانے کا فیصلہ کیا ہے جبکہ پیٹرول و ڈیزل، بجلی اور گیس کی قیمتوں میں اضافے کے خلاف احتجاج کیاجائے گا۔
