پاک بھارت ٹاکرے سے پہلے شعیب اختر اورہر بھجن سنگھ کا ٹاکرا

 پاک بھارت ٹاکرے سے پہلے شعیب اختر اور ہر بھجن سنگھ ٹوئٹر کے محاذ پر بھڑ گئے۔

ٹی ٹوئنٹی ورلڈ کپ میں 24 اکتوبر کو ہونے والےپاک بھارت ٹاکرے سے پہلے ماحول بھی گرم ہونے لگا ہے۔  روایتی حریفوں کے درمیان ہلکی پھلکی نوک جھونک کا سلسلہ جاری ہے۔

سابق فاسٹ باولر شعیب اختر اور بھارتی کرکٹر ہربھجن سنگھ  نے ٹوئٹر پر ہونے والے دلچسپ مکالمے میں ایک دوسرے پر خوب طنزیہ تیر برسائے ہیں۔

بھارت سے کھیلنے کا کیا فائدہ؟ ہربھجن کا شعیب اختر پر طنز

سابق کرکٹر شعیب اخترنے  سوشل میڈیا ویب سائٹ ٹوئٹر پر ہربھجن سنگھ کے ساتھ ایک تصویر شیئر کرتے ہوئے  ہربھجن کو ’سب کچھ جاننے والا‘ قرار دیا۔

With Mr. I know it all @harbhajan_singh in Dubai for a pre discussion about the mother of all competitions. #Dubai #Pakistan #India #worldcup pic.twitter.com/40VS5vEMqB

— Shoaib Akhtar (@shoaib100mph) October 16, 2021

بھارتی کرکٹر ہربھجن سنگھ  بھی محاذ سے پیچھے نہ ہٹے اور  جوابی ٹویٹ میں لکھا ،ٹیسٹ کرکٹ میں 400 وکٹیں لینے والا، 200 وکٹیں لینے والے زیادہ ہی جانتا ہوگا۔

When u have 400 plus test wickets am sure you know more about cricket then someone with less then 200 wickets ? ??‍♂️ https://t.co/jXvdiYLyoE

— Harbhajan Turbanator (@harbhajan_singh) October 17, 2021

شعیب اختر بھی ہربھجن کے طنز پرجواب دیتے  ہوئے   ماضی میں اپنے باؤنسر سے ہربھجن کو زخمی کرنے کی تصویر شیئر کر ڈالی   ساتھ ہی یہ بھی  لکھا کہ میں آپ کی بات سے اتفاق کرتا ہوں۔

Uh oh. Agreed Bhajji ?? https://t.co/vVn1QZK4jz pic.twitter.com/PptgRF6Bts

— Shoaib Akhtar (@shoaib100mph) October 18, 2021

اس سے قبل بھی سابق بھارتی کرکٹر ہربھجن سنگھ نے ورلڈ کپ میں پاک بھارت میچ پر راولپنڈی ایکسپریس شعیب اختر کو طنز کا نشانہ بنایا  تھا

بھارتی میڈیا سے ٹی ٹوئنٹی ورلڈ کپ میں پاک بھارت میچ سے متعلق بات کرتے ہوئے ہربھجن سنگھ نے مغرورانہ انداز میں کہا کہ میں نے شعیب اختر کو بولا ہے کہ پاک بھارت کے میچ کا کیا فائدہ؟

یہ بھی پڑھیں : بھارتی وزرا نے پاک بھارت میچ منسوخ کرنے کا مطالبہ کر دیا

انہوں نے کہا کہ پاکستان بھارت سے کھیلے گا اور پھر ہارے گا، ہماری ٹیم بہت تگڑی ہے۔ پاکستان کا کوئی چانس نہیں ہے۔