جدید دور کے جدید تقاضے ، کینیڈا میں پیوندکاری کے لیے انسانی پھیپھڑوں کو پہلی بار ڈرون کے ذریعے ایک سے دوسرے اسپتال منتقل کیا گیا۔
ان پھیپھڑوں کی پیوندکاری 63 سال کے شخص ایلن ہوڈک میں کی گئی جن کے اپنے پھیپھڑے ناکارہ ہوچکے تھے۔ رپورٹ کے مطابق ستمبر کے مہینے میں انسانی پھیپھڑوں کو ٹورنٹو میں دو اسپتالوں کے درمیان شفٹ کیا گیا۔
1.5 کلو میٹر کا یہ سفر 6 منٹ میں بذریعہ ڈرون طے کیا گیا۔
ڈاکٹرز کا کہنا ہے کہ انسانی اعضا کو روایتی طریقوں سے ایک جگہ سے دوسری جگہ منتقل کرنے میں کئی مرتبہ تاخیر ہو جاتی ہے جس کے بعد یہ پیوندکاری کے قابل نہیں رہتے۔
