وہی نام، وہی نمبر اوروہی انداز

October 25, 2021
ویب ڈیسک

ایک نام، ایک ہی نمبر اور ایک جیسا انداز،شاہین شاہ آفریدی نے شاہد آفریدی کی یاد تازہ کر دی۔

ٹی ٹوئنٹی ورلڈ کپ میں شاہین شاہ آفریدی  کی بالنگ کے ساتھ ساتھ ان کے انداز ،ان کے نام اور شرٹ نمبر کے بھی خوب چرچے ہو رہے ہیں۔ آئی سی سی مینز ٹی ٹوئنٹی ورلڈ کپ میں بھارت کو عبرتناک شکست دینے کے بعد شاہین شاہ آفریدی سوشل میڈیا پر چھائے ہو ئے ہیں۔

آئی سی سی نے قومی بالر شاہین شاہ آفریدی اور  سابق کپتان شاہد آفریدی کی تصویر  سوشل میڈیا ویب سائٹ ٹوئٹرپر شیئر کر دی ۔ تصویر میں شاہین شاہ آفریدی اور شاہد آفریدی وکٹ لینے کے بعد جشن منانے کا  ایک جیسا پوز بنا کر کھڑے ہیں۔

آئی سی سی نے تصویر کے ساتھ پوسٹ میں  لکھا ہے۔” وہی نام ،وہی نمبر اور نیا دور”۔

واضح رہے کہ  بالرشاہین شاہ آفریدی کو 10 نمبر کی شرٹ ملی ہے جو ان سے پہلے شاہد آفریدی پہنتے تھے۔ شرٹ پر 10نمبر کے ساتھ نام  آفریدی لکھا ہوا ہے۔ شاہد آفریدی کی شرٹ پر بھی 10نمبر کے ساتھ آفریدی ہی لکھا ہوا ہوتا تھا۔

سابق کپتان شاہد آفریدی نے بھی آئی سی سی کی ٹویٹ کو ری شیئر کر دیا۔ انہوں نے ٹوئٹر پیغام میں تصویر کے ساتھ لکھا ہے “وہی جشن، وہی سائیڈ اور نیا نتیجہ۔ انہوں نے ٹویٹ میں قومی ٹیم کو شاباش بھی دی ہے۔

قومی کرکٹر شاہین شاہ آفریدی نے بھی اپنے ٹوئٹر اکاونٹ سے یہ تصویر شیئر کی ہے انہوں نے ٹویٹ میں لکھاہے۔ یہ لمحات فیملی اور دوستوں کی دعاوں اور ساتھ کے بغیر ممکن نہیں تھے۔ انہوں نے والدین اور بہن بھائیوں کی دعاوں کا خصوصی شکریہ ادا کیا۔

یاد رہے کہ پاکستان نے اتوار کو بھارت کو 10 وکٹوں سے شکست دے کر ٹی ٹوئنٹی ورلڈ کپ میں اپنے حریف سے پہلی بار فتح حاصل کی تھی۔ شاہین شاہ آفریدی کو مین آف دی میچ قرار دیا گیا تھا۔

 


ٹیگز :
متعلقہ خبریں
fakhar zaman

آج کے میچ میں کافی غلطیاں کیں، فخر زمان
Net Metering

حکومت نے نیٹ میٹرنگ نرخ گرانے کی تیاری کر لی
kamran tessori

سوشل میڈیا پر منفی باتیں کرنے والوں کو تنبیہ کرتا ہوں، گورنر سندھ