پاکستان کی روایتی حریف بھارت کے خلاف تاریخی فتح کا جشن ہمسائیہ ممالک میں بھی منایا گیا اور آتش بازی کی گئی ہے۔
سابق بھارتی کرکٹر وریندر سہواگ نے کہا ہے کہ پاکستان کی جیت کا جشن بھارت کے کچھ حصوں میں بھی منایا گیا اور پٹاخے پھوڑے گئے ہیں۔
سہواگ نے ٹویٹ کیا کہ دیوالی کے موقع پر پٹاخوں پر پابندی ہے لیکن کل بھارت کے کچھ حصوں میں پاکستان کی فتح کا جشن منانے کے لیے پٹاخے چلائے گئے تھے۔ اچھا وہ کرکٹ کی فتح کا جشن مناتے رہے ہوں گے۔
Firecrackers are banned during Diwali but yesterday in parts of India there were firecrackers to celebrate Pakistan ‘s victory. Achha they must have been celebrating victory of cricket. Toh , what’s the harm in fireworks on Diwali. Hypocrisy kyun ,Saara gyaan tab hi yaad aata hai
— Virender Sehwag (@virendersehwag) October 25, 2021
دوسری جانب ٹوئٹر پر ایسی ویڈیوز بھی اپ لوڈ کی جا رہی ہیں جن میں لوگوں کو ٹی وی توڑتے دکھایا گیا ہے۔ بھارتی ٹی وی چینلز اور سوشل میڈیا پلیٹ فارمز پر بھی کوہلی کی ٹیم کو سخت تنقید کا نشانہ بنایا جا رہا ہے۔
بھارت کیخلاف کامیابی کے بعد پاکستان کے تمام بڑے شہروں میں آتشبازی اور ہوئی فائرنگ کی گئی۔
Thank you Bangladesh for celebrating Pakistan’s victory in T-20. pic.twitter.com/EofriKo0jX
— High Commission of Pakistan in Bangladesh (@PakinBangladesh) October 25, 2021
بنگلہ دیش میں بھی بڑی اسکرینوں پر میچ دیکھا گیا اور بھارت کی شکست کا جشن منایا گیا۔ ڈھاکہ میں بھی شائقین کرکٹ نے خوب جشن منایا۔
مقبوضہ کشمیر میں بھی پاکستان کی جیت کا جشن منایا گیا اور پاکستان کے حق میں نعرے بازی کی گئی۔
خیال رہے کہ ٹی20 ورلڈ کپ کے سب سے بڑے مقابلے میں پاکستان نے بھارت کو 10 وکٹوں سے عبرت ناک شکست دی ہے۔