وفاقی وزیر اسد عمر نے پاکستان کرکٹ ٹیم کے کپتان بابر اعظم کو بھارتی ٹیم کو فنٹاسٹک ٹی پلانے کا مشورہ دے دیا۔
آئی سی سی مینز ٹی ٹوئنٹی ورلڈ کپ میں پاکستان کی بھارت کیخلاف جیت پر سب ہی اپنی خوشی کا اظہار اپنے اپنے انداز میں کر رہے ہیں ۔ ایسے میں وفاقی وزیر اسد عمر نے پاک فضائیہ کی جانب سے بھارتی فضائیہ کے طیارے کو مار گرانےکے واقعے کی یاد تازہ کر دی۔
یہ بھی پڑھیں: وہی نام، وہی نمبر اوروہی انداز
اسد عمر نے سوشل میڈیا کی ویب سائٹ ٹوئٹر پر ایک پیغام میں پاکستانی کپتان بابر اعظم کو مشورہ دیا ہے بھارتی ٹیم کو فنٹاسٹک ٹی ضرور پلائیں۔
انہوں نے اپنی ٹویٹ میں بابراعظم کو ٹیگ کرتے ہوئے لکھا ہے کہ ” ان کو چائے پلانا نہ بھولنا۔ پہلے ہم ان کو پھینٹی لگاتے ہیں ۔ پھر جب یہ آسمان سے زمین پر آجاتے ہیں تو انہیں چائے پلا کر گھر بھیجتے ہیں”
ان کو ☕ پلانا نا بھولنا @babarazam258…. پہلے ہم ان کو پھینٹی لگاتے ہیں، پھر جب یہ آسمان سے زمین پر آ جاتے ہیں تو ☕ پلا کر گھر بھیجتے ہیں #PakvsIndia
— Asad Umar (@Asad_Umar) October 24, 2021
اسد عمر نے اپنی ٹوئٹ میں اس واقعے کی یاد تازہ کی جب پاک فضائیہ نے بھارتی پائلٹ ابھی نندن کے طیارے کو مار گرایا اور بھارتی پائلٹ کو گرفتار کیا جس کے بعد ابھی نندن کی پاکستانی فوج کی حراست میں چائے بھی پلائی گئی ۔ بھارتی پائلٹ ابھی نندن نے چائے کو فنٹاسٹک ٹی قرار دیا تھا۔
یہ بھی پڑھیں : بھارت سے میچ جیتنے کے بعد قومی ٹیم کی موج مستی
یاد رہے کہ ٹی ٹوئنٹی ورلڈ کپ کے سب سے بڑے مقابلے میں پاکستان نے بھارت کو 10 وکٹوں سے عبرت ناک شکست دی ہے۔پاکستان نے کپتان بابراعظم اور محمد رضوان کی شاندار بیٹنگ کی بدولت 152 رنز کا ہدف اننگز کے 17.5 اوور میں حاصل کیا۔