نیوزی لینڈ کے کپتان کین ولیم سن نے کہا ہے کہ بہت دکھ اور شرم کی بات ہے کہ دورہ پاکستان بیچ میں ختم ہو گیا، ایسا ہونا کرکٹ کے لیے ٹھیک نہیں تھا۔
ٹی ٹوئنٹی ورلڈ کپ میں پاکستان سے میچ سے قبل میڈیا سے گفتگو میں انہوں نے کہا کہ پاکستان اور نیوزی لینڈ کرکٹ ٹیم کے درمیان تعلقات بہت اچھے ہیں، ہم نے ایک دوسرے کے ساتھ میچز کو بہت انجوئے کیا ہے۔
ان کا کہنا تھا کہ پاکستان کی ٹیم مضبوط ہے، محمد رضوان اور بابر اعظم بہترین کھیل رہے ہیں جب کہ محمد حفیظ اور شعیب ملک جیسے تجربہ کار کھلاڑی بھی ٹیم میں موجود ہیں۔
کین ولیمسن اور اکیلا دانن جایا کے باؤلنگ ایکشن مشکوک قرار
کین ولیم سن کا کہنا تھا کہ ماضی کے برعکس پاکستان کی اب بیٹنگ زیادہ مضبوط ہے، کوشش ہوگی پاکستان کیخلاف اچھی کرکٹ کھیلیں، ہر ٹیم اپنی تیاری کے ساتھ میدان میں اترتی ہے۔