سرکاری ٹی وی پر ٹی ٹوئنٹی ورلڈ کپ کے لائیو شو میں پاکستان کے فاسٹ بالر شعیب اختر اور میزبان ڈاکٹر نعمان نیاز میں جھگڑا ہوگیا، شعیب اختر اٹھ کر چلے گئے۔
WOW!!!! Shoaib Akhtar just walks out of PTV Sports during live show. “jis tarah national TV par mere sath behave kiya gaya hai, I don’t think I should be sitting here. I am resigning from PTV” Right thing to do after Dr Nauman Niaz insulting a national hero on national TV. ? https://t.co/vmA0BtbaDU pic.twitter.com/EPuqzweoqr
— Hassan (@iamhassan9) October 26, 2021
ورلڈ کپ میں نیوزی لینڈ سے میچ جیتنے کے بعد شعیب اختر نے لائیو شو میں بالر حارث روف کی کارکردگی کی خوب تعریف کی اور اپنے مخصوص انداز میں مذاق بھی کرتے رہے۔
میزبان ڈاکٹر نعمان نیاز کو ان کی بات پسند نہ آئی جس پر انہوں نے لیجنڈ پلیئر شعیب اختر کو بد تمیز کہہ کر پروگروام چھوڑنے کا کہہ دیا۔ شعیب اختر نعمان نیاز کے رویے پر ناراض ہو گئے۔
Oh boy Fight between Shoaib Akhtar n Dr NN: pic.twitter.com/tEJvzo9NQy
— Hassan (@iamhassan9) October 26, 2021
شعیب اختر اور ڈاکٹر نعمان نیاز میں تلخ کلامی کے وقت ویو رچرڈز ،ڈیوڈگاور،عمر گل،راشد لطیف،اظہر محمود اور ثنا میر بھی موجود تھے۔
شو کے میزبان نے اس وقت بریک لے لی۔ بریک کے بعد شعیب اختر واپس شومیں موجود تھے اور دونوں نے اس واقعہ کو مذاق قرار دیا۔ لیکن شعیب اختر نے بعد میں لائیو شو کے دوران ہی استعفیٰ دے دیا اور اٹھ کر چلے گئے۔
Before the break shoaib Akhtar told we planned this i was just pulling doc leg nothing serious all good then after the break he just said iam resigning! pic.twitter.com/SYoGkDFLgP
— Chaudhary Kashif (@CHKashif06) October 26, 2021
شعیب اختر اور نعمان نیاز کی ناراضی کے ویڈیو کلپ پر سوشل میڈیا صارفین نے حیرانی اور ناپسندیدگی کا اظہار کیا ہے۔ سوشل میڈیا صارفین کا کہنا ہے کہ لائیو شو میں لیجنڈ پلیئرز یا کسی بھی مہمان کے ساتھ ایسا رویہ نا مناسب ہے۔
سوشل میڈیا پر کلپ وائرل ہونے کے بعد شعیب اختر نے بھی لائیو شو کے واقعہ پر اپنا ردعمل دےدیا ہے۔ انہوں نے سوشل میڈیا ویب سائٹ ٹوئٹر پر ایک پیغام میں کہا ہے کہ مجھے لائیو شو میں چلے جانے کو کہہ دیا گیا۔مجھے سمجھ نہیں آیا کہ ڈاکٹر نعمان نیاز نے ایسا کیوں کہا۔
Multiple clips are circulating on social media so I thought I shud clarify. pic.twitter.com/ob8cnbvf90
— Shoaib Akhtar (@shoaib100mph) October 26, 2021
انہوں نے کہا ہے کہ ٹی وی پر ایک اسٹار کی یوں توہین مناسب نہیں،غیر ملکی اور قومی اسٹارز کیا سوچیں گے کہ یہ کیا ہو رہا ہے۔میں نے بات سنبھالنے کی کوشش کی لیکن ڈاکٹر نعمان نیاز نے مجھ سے معافی نہیں مانگی، اور کوئی چارہ نہیں تھا، اس لیے میں نے استعفیٰ دے دیا۔