ٹوکیو: چلتی ٹرین میں مسلح شخص کا حملہ


ٹوکیو: جاپان کے دارالحکومت میں چاقو بردار شخص نے ٹرین میں داخل ہوکر 15 شہریوں کو زخمی کردیا۔

غیر ملکی خبر رساں ایجنسی کے مطابق ٹوکیو میں آج صبح اسٹیشن سے روانہ ہونے والی ٹرین میں سوار ایک مسافر نے اچانک چاقو نکال کر مسافروں کو ہراساں کرنا شروع کر دیا اور منع کرنے پر اس نے مسافروں پر حملہ کر دیا۔

حملہ آور نے چاقو کی مدد سے 15 افراد کو زخمی کر دیا جنہیں فوری طور پر طبی امداد دی گئی اور اسٹیشن آتے ہی اسپتال منتقل کر دیا گیا۔

واقعے کے بعد اسٹیشن پر ٹرینوں کی آمدورفت معطل ہو گئی اور اہلکاروں نے اسٹیشن کو ‏مسافروں سے خالی کروا کر سرچ آپریشن شروع کر دیا۔

پولیس نے فوری کارروائی کرتے ہوئے 20 سالہ حملہ آور کو گرفتار کر لیا جس نے بیٹ مین فلم سیریز کے جوکر کا ماسک پہن رکھا تھا۔ ملزم کی جانب سے ٹرین میں آگ بھی لگائی گئی۔


متعلقہ خبریں