نیوزی لینڈ ٹی ٹوئنٹی ورلڈکپ کے پہلے سیمی فائنل میں انگلینڈ کو 5 وکٹوں سے شکست دے کر فائنل میں پہنچ گیا۔
ابوظہبی کے شیخ زید اسٹیڈیم میں کھیلے جانے والے میچ میں نیوزی لینڈ نے ٹاس جیت کر فیلڈنگ کرنے کا فیصلہ کیا۔ انگلینڈ نے جیت کے لیے 167 رنز کا ہدف دیا تھا جسے نیوزی لینڈ نے 5 وکٹوں کے نقصان پر پورا کر لیا۔
نیوزی لینڈ کے ڈیرل مچلز نے ناقابل شکست اننگز کھیلتے ہوئے 47 گیندوں پر 72 رنز بنائے اور نائٹ آؤٹ رہے۔ مچلز نے اپنے اننگز میں 4 چھکے اور 3 چوکے مارے جبکہ ڈیون کانوے نے 46 رنز بنائے۔
نیوزی لینڈ کے ڈیرل مچل کو بہترین کھیل پیش کرنے پر مین آف دی میچ قرار دیا گیا۔ انگلینڈ کی جانب سے کرس ووکس اور لیام لیونگ اسٹون نے 2، 2 کھلاڑیوں کو آؤٹ کیا۔
انگلینڈ کی اننگز
اہم میچ سے قبل انگلینڈ کے اوپنر جیسن روئے کی انجری کے بعد بیراسٹرو اور جوز بٹلر نے سلامی جوڑی کی ذمہ داریاں نبھائی۔
بیٹراسٹرو لمبی باری کھیلنے میں ناکام رہے او ملنے کی گیند پر کیچ دے بیٹھے جب کہ خطرناک بیٹر جوز بٹلر 29 رنز پر ایش سودھی کی گیند پر ایل بی ڈبلیو آؤٹ ہوئے۔
سلامی بیٹرز کے آوٹ ہونے کے بعد ڈیوڈ مالان اور معین علی نے 63 رنز کی اچھی شراکت داری قائم کی، مالان 41 رنز بنا کر آؤٹ ہوئے جب کہ معین علی نے 51 رنز کی ناقابل شکست اننگز کھیلی۔
نیوزی لینڈ کی جانب سے ساؤتھی، ملنے، نیشم اور سودھی نے ایک ایک کھلاڑی کو آؤٹ کیا۔
First one down ☝️
What a brilliant effort from skipper Williamson, whose catch brings the dismissal of Bairstow for 13.
How good are New Zealand in the field? ?#T20WorldCup | #ENGvNZ | https://t.co/zXAsuGVcjZ pic.twitter.com/CzauKF6AYc
— T20 World Cup (@T20WorldCup) November 10, 2021
واضح رہے کہ دوسرے سیمی فائنل میں پاکستان آسٹریلیا سے مد مقابل ہو گا۔ دو ٹاپ ٹیموں کے درمیان میگا ایونٹ کا فائنل میچ 14 نومبر کو کھیلا جائے گا۔