اسلام آباد: وزیر اعظم عمران خان نے کہا ہے کہ دنیا افغانستان کے معاملے پر اپنی ذمہ داری پوری کرے۔
وزیر اعظم عمران خان کی زیرصدارت امن و امان سے متعلق اجلاس ہوا۔ اجلاس میں امن و امان اور سرحدوں کی صورتحال کا جائزہ لیا گیا۔ وزیر داخلہ شیخ رشید، وزیر خارجہ شاہ محمود قریشی، وزیر دفاع پرویز خٹک اور اسد عمر نے بھی اجلاس میں شرکت کی۔
ذرائع کے مطابق اجلاس میں ڈی جی آئی ایس آئی فیض حمید سمیت سیکیورٹی حکام بھی شریک ہوئے۔
یہ بھی پڑھیں: اپوزیشن کسی بھی معاملے میں ساتھ نہیں دے رہی، بابراعوان
اس موقع پر وزیر اعظم عمران خان نے کہا کہ پاکستان ضرورت کے وقت ہمیشہ افغان عوام کے ساتھ رہا ہے اور اس وقت بھی افغان وزیر خارجہ کو انسانی بنیادوں پر تعاون کی یقین دہانی کرائی ہے۔
انہوں نے کہا کہ افغانستان کو خوراک، ادویات اور خیمے فراہم کیے جا رہے ہیں جبکہ افغان شہریوں کو سرحدوں پر کورونا ویکسین بھی لگوائی جا رہی ہے۔
سے بچاؤ کیلئے خیمے بھجوا رہے ہیں۔اسی طرح سرحد عبور کرکے پاکستان پہنچنے والے افغان شہریوں کو ہم کوروناء ویکسین بھی بلا معاوضہ فراہم کریں گے۔ عالمی برادری سے میری ایک مرتبہ پھر درخواست ہے کہ افغانوں کو درپیش اس بڑے انسانی بحران کے تدارک کےحوالے سے اپنی اجتماعی ذمہ داری پوری کرے۔
— Imran Khan (@ImranKhanPTI) November 11, 2021
وزیر اعظم نے کہا کہ دنیا افغانستان کے معاملے پر اپنی ذمہ داری پوری کرے اور عالمی برادری بھی افغانستان میں انسانی بحران سے بچنے کے لیے اپنا کردار ادا کرے۔
