مومنہ درید پروڈکشن کا ڈرامہ ’ہم کہاں کے سچے تھے‘ کی کہانی دلچسپ موڑ میں داخل ہو چکی ہے، جہاں مہرین نے مشعل کے والدین سے اپنے ناکردہ گناہوں کی معافی مانگی۔
ڈرامہ سیریل کی 15 ویں قسط کو یوٹیوب پر چند گھنٹوں میں 20 لاکھ کے قریب بار دیکھا جا چکا ہے۔
مہرین یعنی ماہرہ خان اب اس سزا کو کہاں تک برداشت کرے گی؟ یہ دیکھنے کے لیے شائقین اگلی قسط کا انتظار کر رہے ہیں۔
یہ بھی پڑھیں: مہرین کی سزا کا آغاز، ہم کہاں کے سچے تھے کی دھوم برقرار
اس ڈرامے کے ذریعے ماہرہ خان پانچ سال کے طویل عرصے بعد ٹی وی سکرین پر دوبارہ جلوہ گر ہوئی ہیں۔ اداکار عثمان مختار، کبریٰ خان، ہارون شاہد، شمیم ہلالی، زینب قیوم، ہما نواب، لیلیٰ واستی، عمیر رانا اور دیگراداکار اہم کردار کر رہے ہیں۔
مشہور لکھاری عمیرا احمد کے لکھے گئے ڈرامے’ہم کہاں کے سچے تھے‘ ماہرہ خان مرکزی کردار ادا کر رہی ہیں۔
یہ بھی پڑھیں: مہرین کا سچ اور اسود کا بدلہ، ہم کہاں کے سچے تھے کا نیا موڑ
سوشل میڈیا پر ٹرینڈز کے ذریعے ماہرہ خان کے کام کو بہت سراہا جا رہا ہے۔ ان کے نئے ڈرامے کے کلپس و تصاویر سوشل میڈیا پر شیئر کیے جا رہے ہیں۔
عمیرہ احمد کے لکھے گئے ڈرامے کو مومنہ درید نے پروڈیوس کیا ہے جب کہ ڈائریکشن فاروق رند نے دی ہے۔
